PANSAMANTALANG maaantala ang bakunahan sa 5-11 age group makaraang iurong ng Department of Health (DOH) ang petsa dahil sa problemang nireresolba ng pamahalaan.
“The roll out for vaccinating children aged 5-11 years old will be postponed for a few days due to logistical challenges,” pahayag ni Health Undersecretary Maria Rosario Vergeire.
Sa halip na Pebrero 4, mag-uumpisa ang ‘pediatric vaccination’ sa Pebrero 7, Lunes.
Nabatid na darating pa lamang sa Pebrero 4 ang Pfizer vaccines na aprubado ng Food and Drugs Administration (FDA) na gagamtin sa mga bata.
“To ensure adequate preparation and distribution of the Pfizer vaccines allocated for children 5-11 years old, the COVID-19 vaccination of 5-11 years old will instead begin on 7 February (Monday),” ayon pa sa opisyal.
Tiniyak din ng DOH na nananatili silang nakatutok para mabakunahan ang lahat ng mga Pilipino, kasama na ang mga bata. (RENE CRISOSTOMO)
153 
