ARESTADO ang isang murder suspect at tatlong akusado sa panggagahasa sa ikinasang magkakahiwalay na law enforcement operation ng mga tauhan ni PNP-PRO5 Regional Director, P/BGen. Jonnel C. Estomo.

“We learn the value of the voice of children when they are silenced,” ani P/BGen. Estomo matapos na dayuhin ng mga awtoridad ang Norzagaray, Bulacan para dakpin si Sandy Mejidana Loreto, 31, construction worker, residente ng Purok 1, Malabog, Daraga, Albay.

Ayon sa record ng PNP-PRO5 Daraga, ang suspek ay nahaharap sa kasong statutory rape, child abuse at sexual assault matapos ipagharap ng reklamo ng isang menor de edad.

Sumunod na nadakip si Norman Gares dela Cruz, 34, driving instructor, ng Purok 3, Brgy. Daguit, Labo, Camarines Norte dahil sa kasong two counts ng rape.

Ang suspek ay no. 2 most wanted person, municipal level, ayon kay P/Col. Julius D. Guadamor, Provincial Director ng Camarines Norte.

Winakasan din ng mga tauhan ni Estomo ang pagtatago ni Dandee Daen y Dagta, 38, magsasaka ng Purok 7, Sitio Bagong Sirang, Brgy. Tinapian, Manito, Albay na inaakusahan din ng panggagahasa.

Si Daen ay nadakip sa Purok 7, Sitio Bagong Sirang, Brgy. Tinapia, Manito, Albay.

“The strong leadership of our Chief PNP has been very motivational. His directives to cleanse in all aspects has been clear to the letter, and PNP-PRO5 adheres to this beyond mediocrity,” ani P/BGen. Estomo matapos madakip ni P/Col. Arturo P. Brual, Provincial Director ng Sorsogon, ang 45-anyos na murder suspect na si Nicomedes Esquijo y Castillo, magsasaka, Brgy. Buenavista, Gubat, Sorsogon. (JESSE KABEL)