TULOY na sa Mayo 22 ang pagpapatupad ng bagong toll rates sa CAVITEX Parañaque toll plaza.

Unang inabisuhan ng CAVITEX Infrastructure Corp. ang mga motorista sa Metro Manila kaugnay toll adjustment noong nakalipas na Huwebes ngunit iniurong ito para magbigay ng karagdagang oras sa PUV drivers at operators na maka-rehistro sa toll reprieve program. Sa ilalim ng programa, ang mga PUV driver at operator ay mabibigyan ng rebate upang sila ay makapagpatuloy ng pagbabayad ng lumang toll rates- Php 25 para sa Class 1 at Php 50 sa Class 2.

Ayon sa kumpanya, inaprubahan na ng Toll Regulatory Board (TRB) ang toll pay hike kasunod nang pagpapatupad din ng mga pagbabago at pagpapaganda ng mga pasilidad at kalidad ng CAVITEX highways.

Sa pagpapatupad ng bagong rates, ang mga motorista ay magbabayad ng mga sumusunod na VAT-inclusive rates: P33 para sa Class 1 vehicles mula sa dating P25.00; P67 para sa Class 2 mula sa dating P50.00; at P100.00 para sa Class 3 mula sa dating P75.00.

“The approved petitions translate to Php 4.62 VAT-exclusive rate per kilometer for Class 1 vehicles; Php 9.24 for Class 2; and Php 13.86 for Class 3 vehicles traversing the 6.48-kilometers R-1 Expressway (from CAVITEX Longos, Bacoor entry to MIA exit, and vice versa) beginning 12:00 AM of May 12,” bahagi ng CAVITEX statement. “To help public utility vehicle (PUV) operators and drivers cope with the change, CIC and JV partner PRA will be providing them toll rate reprieve through a rebate program that will allow them to continue enjoying the old rates for the next three months.” (CYRILL QUILO)