TINATAYANG 15 games mawawala si Phoenix Suns star Devin Booker matapos magtamo ng left groin strain, inihayag ng team kahapon.
Ire-reevaluate si Booker sa susunod na apat na linggo.
Nakaapat na minuto lamang si Booker sa Christmas game laban sa Denver Nuggets kung saan natalo ang Suns via OT, 128-125.
Noong Martes, hindi na nakalaro si Booker nang nakaresbak ang Phoenix kontra Memphis Grizzlies, 125-108, kung kailan nagtamo naman si Chris Paul ng calf injury.
Bago ma-injure, si Booker ay may average 28 points. Noong Nobyembre 30, naitala niya ang 51 puntos sa blowout win kontra Chicago Bulls, 132-113.
Makaraan ang dalawang linggo, inilista naman ni Booker ang 58 points nang magwagi laban sa New Orleans Pelicans, 118-114. (VT ROMANO)
248
