MAHIGIT dalawang milyong international visitors ang tinanggap ng Pilipinas ngayong buwan, ayon sa Department of Tourism (DOT).

Ang tourism receipt ng bansa mula Enero 1 hanggang Marso 31,2024 ay umabot din sa tinatayang P157.62 bilyon, na isinasalin sa tinatayang 120.70 porsiyentong recovery rate mula sa P130.59 bilyong kita na nakuha mula sa parehong panahon noong 2019 o ang milestone year para sa turismo ng Pilipinas bago ang global lockdown at tumigil ang industriya.

Base sa monitoring data ng departamento, noong Abril 24, 2024, kabuuang 2,010,522 international visitors ang pumasok sa bansa na 94.21 percent o 1,894,076 sa kabuuang international arrivals ng bansa na inihatid ng mga dayuhang turista, habang 5.79 porsiyento o 116,446 ay overseas Filipinos. Mas mataas ito ng 15.11 porsiyento kumpara sa mga international arrival na naitala sa parehong panahon noong nakaraang taon na naka-peg sa 1,746,630.

Napanatili ng South Korea ang pwesto nito bilang nangungunang merkado ng Pilipinas sa mga tuntunin ng pagdating ng mga bisita na may 27.19 porsyento o 546,726, sinundan ng Estados Unidos na naghatid ng 315,816 (15.71 porsyento), China na may 130,574 (6.49 porsyento), Japan na may 123,204 (6.13 porsyento), at Australia na may 88,048 (4.38 porsyento).

Ang Canada, Taiwan, United Kingdom, Singapore, at Germany ay niraranggo sa ikaanim hanggang ikasampu, ayon sa pagkakabanggit.

“The Department of Tourism sees a positive trajectory for the country’s international tourist arrivals this year. We are glad that the collaboration and collective effort and hard work are materializing into figures that are beneficial for the entire industry. We are hopeful that with more investments in tourism infrastructure as well as much needed increase in connectivity as well as improvements in air, land, and sea infrastructure and accessibility, the numbers can further increase,” sabi ni Tourism Secretary Christina Garcia Frasco .

Ngayong taon, target ng bansa na salubungin ang 7.7 milyong internasyonal na bisita, halos ang pre-pandemic record-breaking na tagumpay nito noong 2019 na nagtapos sa tinatayang 8.26 milyong inbound visitor arrival.

(JOCELYN DOMENDEN)