PAGBABAGO AT PAG-ASA SA PANDEMYA: Pinakaunang Pambansang Ospital sa Rizal

0

“PAGBABAGO at Pag-asa.”

Bagama’t ang mga katagang ito ay may iba’t ibang kahulugan o ibig sabihin lalong-lalo na sa panahon ngayon ng masalimuot na krisis pangkalusugan, para sa kinatawan ng ikalawang distrito ng Rizal, ang mga katagang ito ay sinusulong ng kanyang pangunahing proyekto para sa kanyang mga nasasakupan: ang Northern Tagalog Regional Hospital sa Montalban.

Kahapon ng alas-2 ng hapon, pinangunahan ni Congressman Fidel Nograles ang pormal na groundbreaking ceremony para sa itatayong Northern Tagalog Regional Hospital sa Montalban, Rizal. Ito ang kauna-unahang pambansang ospital sa lalawigan ng Rizal.

“Bagong ospital, bagong pag-asa. Ang Northern Tagalog Regional Hospital ay simbolo ng pagbabago at pag-asa sa panahon ng pandemya.”

Ito ang mensahe ni Congressman Fidel Nograles sa ground breaking ceremony na dinaluhan nina Deputy Speaker Mikee Romero, Former Antipolo City Mayor Jun Ynares, Rizal Vice-Governor Reynaldo San Juan, Montalban Mayor Dennis Hernandez, at iba pang mga opisyal mula sa Kagawaran ng Kalusugan o DOH sa pangunguna ni Undersecretary Leopoldo Vega at Department of Public Works and Highways (DPWH).

Ayon sa DOH-Calabarzon Regional Director na si Dr. Eduardo C. Janairo, ang nasabing ospital ay tinaguriang Level 2 National Hospital sa ilalim ng DOH at may 200-bed capacity. “Nangangahulugan po ito na ang ating bagong ospital ay may mga doktor at nurse na may iba’t ibang pinagdalubhasaan o espesyalidad, at mas malawak ang mga pasilidad sapagkat may Intensive Care Unit, Neonatal Intensive Care Unit, at High-Risk Pregnancy Unit, in addition sa mga basic requirements ng isang Level 1 Hospital,” ayon kay Dr. Janairo.

Ayon sa datos ng DOH, sa kasalukuyan ay may 3 antas ng ospital sa Pilipinas kung saan Level 3 ang pinakamataas.

Natutuwa rin si Dr. Janairo sapagkat ang ospital ang may pinakaunang Infectious Disease Laboratory sa Calabarzon o Region 4-A na kanyang pinangangasiwaan. “Ang Infectious Disease Laboratory ay tutugon sa mga kaso kaugnay ng COVID at iba pang nakahahawang sakit. Tamang-tama po ito sa panahon ng pandemya,” giit ng Regional Director.

Ayon naman sa DPWH District Engineer na si Engr. Julie Vergara, ang nasabing ospital ay may dalawang palapag at dalawang basement area. “Ang ground floor area ng ospital ay may kabuuang sukat na 3,842 square meters at dito makikita ang Emergency Department at Outpatient Department. Sa second floor naman matatagpuan ang Operating Room, Delivery Room, Intensive Care Unit, at Ward.”

Dagdag din ni Engr. Vergara na napakalaki ng lote kung saan itatayo ang ospital. “Ito ay may sukat na 10,000 square meters, at dahil dito maaari pa tayong magdagdag ng mga gusali at pasilidad upang lumawak ang ating ospital at maging Level 3 na ito,” ayon kay Engr. Vergara.

Ang nasabing lote ay binili ng munisipyo ng Montalban, dagdag din ni Engr. Vergara.

Naganap ang ground breaking ceremony sa mismong lote na matatagpuan sa Mayon Avenue ng Brgy. San Jose, Montalban.

“Tamang-tama ang timing at lokasyon ng ating ospital sapagkat wala na po tayong matakbuhan na ospital sa panahon ngayon na may pambansang krisis sa ospital at napakaraming tao sa ating bayan,” giit ng mambabatas na may akda rin ng House Bill No. 6524, ang panukalang batas na basehan ng ospital.

Ayon sa datos ng Philippine Statistics Authority, ang bayan ng Montalban ang kasalukuyang may pinakamataas na populasyon sa lahat ng mga bayan sa bansa. Pumapatak na ito sa humigit kumulang kalahating milyon o 500,000.

Iniulat naman ni Engr. Vergara na sisimulan na ng DPWH ang kanilang konstruksyon sa lote sa darating na Agosto at sisikapin nilang tapusin ang proyekto ni Congressman Nograles sa loob lamang ng isang taon.

“Sa pangunguna ni Congressman Nograles ay mayroon tayong initial na pondo na 85 million,” ayon kay Engr. Vergara.

Sa kabilang banda, mayroong nakalaan na P50 million sa ilalim ng DOH para sa ospital.

“Sa pangunguna ni Congressman Nograles ay mayroon din tayong pondo na P50 million para sa ospital,” ayon kay Dr. Janairo.

Dahil dito, may kabuuang pondo na P135 million para sa Northern Tagalog Regional Hospital.

Samantala, abot-langit ang pasasalamat ni Congressman Nograles sa mga tumulong sa kanya sa kanyang proyekto.

“Taus-puso po tayong nagpapasalamat sa mga katuwang po natin upang ipatayo ang ating ospital na sina Senator Bong Go, Deputy Speaker Mikee Romero ng 1Pacman Partylist, Governor Rebecca Ynares, at Mayor Dennis Hernandez.”

“Hinding-hindi po natin makakamit ang pagbabago at pag-asa na ating pinapangarap kung hindi dahil sa kanilang tulong at suporta,” giit ni Nograles.

Read More

MGA PROYEKTO NI RIZAL 2ND DIST. CONG. NOGRALES PATAPOS NA

0

HINDI naging hadlang ang COVID-19 sa mga tauhan ng Department of Public Works and Highways (DPWH) ng Rizal 2nd Dist. Engineering Office upang tutukan ang kinatatakutang Mango Bridge sa bayan ng Rodriguez na posibleng sa isang saglit ay gumuho at tuluyang hindi madaanan matapos makitaan ng malaking bitak.

Nang makarating sa tanggapan ni Rizal 2nd District Congressman Fidel Nograles ang problema ay agad itong nakipagpulong sa mga opisyales ng DPWH upang pag-usapan ang dagliang pagsasaayos ng Mango Bridge.

Agad namang inatasan ni DPWH Rizal 2nd DEO, District Engineer Juliana Vergara ang Building and Construction Section sa pamumuno ng hepe nitong si Engr. Chito Paz kabilang na rin sa naatasan si Road Maintenance Chief, Engr. Catherine Tamayo upang pagtulungan ang pagsasagawa ng rehabilitation ng nasabing tulay.

Bagama’t hindi nakarating sa pormal na pagbubukas ng Mango Bridge si Rep. Nograles ay siniguro naman ng DPWH ang kaligtasan ng mga bibiyahe dahil maging ang mga heavy equipment gaya ng mga truck patungo at palabas ay puwedeng makadaan.

Samantala, tatlo pang malalaking proyekto mula sa congressional fund ni Nograles ang on-going construction at puspusan ang pagtutok sa paggawa upang magamit na ng mamamayan partikular ang mga Barangay Health Worker.

Nangako naman si D.E Vergara na patututukan niya nang husto ang mga proyekto tulad ng P19 million Multi-Purpose Facilities sa Upper Mapacla Brgy. First Dist, Jalajala, bukod pa ang P100 million construction improvement of access roads leading to declared tourism destinations Tanay-Pililia Road leading to Wind Wills nang sa gayon ay madaling makapasok ang turista at magkaroon ng hanapbuhay ang mamamayan.

Idinagdag pa ng DPWH official na ongoing construction ang P50 million Multi-Purpose Facilities sa San Francisco St., Brgy. Patunhay, bayan ng Cardona, Rizal.

Nagpaabot naman ng pasasalamat ang pamunuan ng Rizal 2nd DEO partikular si D.E Vergara kay Congressman Nograles sa maganda nilang relasyon sa pagawaing bayan. “Siguro kung walang pandemya mas lalong bibilis ang trabaho,” aniya. (CESAR BARQUILLA)

Read More

Rep. Nograles pinasalamatan si Duterte RIZALEÑO PANALO SA DAGDAG DISTRITO

0

PINASALAMATAN ni Rizal 2nd District Congressman Juan Fidel Nograles si Pangulong Rodrigo Duterte matapos nitong lagdaan ang Reapportionment Act na kanyang inakda upang hatiin sa tatlong distrito ang kanyang lugar na kinakatawan sa Kamara.

“Sa ngalan ng mga residente ng Ikalawang Distrito ng Rizal, nais kong pasalamatan ang pangulo sa kanyang paglagda sa Reapportionment Act na naglalayong hatiin ang ating distrito sa tatlong legislative districts. Bilang punong may-akda ng House Bill No. 6222, alam natin na malayo pa ang tatahakin nito patungo sa pagsagot sa mga isyu ng hindi pagkakapantay-pantay sa ilalim ng kasalukuyang set-up o kalagayan, at para tiyakin na sa nalalapit na hinaharap ay magkakaroon ng mas mahusay na access ang lahat ng Rizaleños sa mga resources ng gobyerno,” ani Nograles.

Ngayong pirmado na ni Duterte ang nasabing batas, ang bayan ng San Meteo ang magiging 3rd District habang ang Rodriguez (Montalban) ang ikaapat na distrito ng lalawigan.

Ang mga nabanggit na bayan ay nasa ilalim ng ikalawang distrito na kinakatawan ni Nograles sa Kamara subalit magkakaroon na ng hiwalay na distrito ang mga ito na malaking tulong umano sa mga Rizaleño para magkaroon ang mga ito ng karagdagang pondo.

Mananatili naman sa ikawalang distrito ang bayan ng Cardona, Baras, Tanay, Morong, Jalajala, Pililla at Teresa.

“Lubos ko pong ikinagagalak na ang ‘pet legislation’ na ipinangako natin sa mga Rizaleño ay matutupad na. At nangyari ito sa napakagandang tiyempo, sapagkat magbibigay ito ng sapat na oras para sa lahat ng kinauukulan na maghanda upang ang mga bagong pinuno ay mabigyan ng mandato na maglingkod sa halalan sa 2022,” ani Nograles.

Ayon sa Harvard-trained lawyer na si Nograles, dahil sa laki ng distrito at bilang ng mga taong nakatira sa ikalawang distrito, nagkaroon ng hadlang sa pagtugon sa pangangailangan ng mga tao lalo na sa panahon ng pandemya.

“It is a good challenge to be able to serve more than one million constituents. But it is a challenge that does not need to continue existing in the future, and I’m glad that the country’s leaders recognize the urgent need for more equitable distribution of resources as we try to recover from the pandemic,”ayon pa sa mambabatas.

Tiniyak nito na itutulak agad ang implementasyon ng reappointment law na ito sa lalong madaling panahon.

“Huwag pong mag-alala ang mga malilipat sa ibang distrito, hindi ko po kayo bibitawan. Sisiguruhin po natin na maaayos nating mailalatag at maisasakatuparan ang layunin ng batas na ito. Makatitiyak po kayo na ako’y inyong maaasahan sa lahat ng oras sa anomang kaparaanan, bahagi pa ng mensahe ng mambabatas. (BERNARD TAGUINOD)

Read More

DILG, PNP kinalampag sa proteksyon ng law practitioners HANDS OFF LAWYERS – REP. NOGRALES

0

(BERNARD TAGUINOD)

“HANDS off lawyers and matters of the court.”

Ito ang mensahe ni Rizal 2nd district Congressman Fidel Nograles sa Philippine National Police matapos mag-request ang isang intelligence officer sa Calbayog City, Samar sa korte ng listahan ng mga abogado na nagtatanggol sa mga miyembro umano ng communist terrorist group (CTG).

Para sa mambabatas, foul ang ginagawang ito ng PNP sa mga abogado na ang tungkulin ay ipagtanggol ang sinomang tao, anoman ang katayuan at idelohiya ng mga ito sa buhay.

“Last I checked lawyering is not a crime, regardless of who you represent. Lawyers must not be targeted for upholding constitutionally and universally guaranteed rights,” ani Nograles na isang Harvard-trained lawyer.

Bagama’t sinibak na sa serbisyo ang police officer na nag-request ng listahan ng mga abogado na nagtatanggol sa mga miyembro umano ng CTG na si Police Lt. Fernando G. Calabria Jr., kailangan aniya ng konkretong aksyon dito ng Department of Interior and Local Government (DILG) at Philippine National Polcie (PNP).

Isa si Nograles sa patuloy na nananawagan sa DILG at PNP na proteksyunan ang mga law practioner dahil sa nakalipas na halos 5 taon ay umaabot na sa 56 abogado, prosecutor at huwes ang napatay.

“The police has no business meddling with affairs of the court. We cannot condone this overreach by the Calbayog City police, which undermines the administration of justice through intimidation, hidden behind the veil of courtesy and pseudo-legality,” ani Nograles, vice chairman ng House committee on justice.

Binalaan din nito ang lahat ng law enforcerment agencies na huwag payagan ang mga ganitong request bilang standard procedures at hinamon din nito ang PNP na magsalita kung mayroon silang ganitong kautusan dahil isinangkalan ni Calabria ang PNP higher office sa pagre-request ng listahan ng mga abogado.

“I urge our DILG and PNP leadership to quickly dispel this mistaken notion that police stations have the authority to ask for such lists. In a climate where lawyers are put to the sword regularly without anyone being punished, it sends a message that those who choose to defend those who are out of favor will be under close watch simply for upholding their oaths as lawyers,” ayon pa sa mambabatas.

Nangangamba ang mambabatas sa ginagawang ito ng PNP dahil kamakailan lamang ay inatake at sinaksak sa ulo si Atty. Angelo Karlo “AK” Guillen sa Iloilo City na na-red tag dahil siya ang abogado sa petisyon na inihain ng Bagong Alyansang Makabayan (Bayan) laban sa implementasyon ng Anti-Terrorism Act sa Korte Suprema.

Read More

Nograles sa QCPD-PDEA shootout DAPAT MAY MANAGOT

0

SINUPORTAHAN ni Rizal 2nd District Congressman Fidel Nograles ang inuumang na imbestigasyon ng Kamara hinggil sa shootout sa pagitan ng PNP at PDEA.

“How did this happen and how can incidents like these be prevented?” ang nais malaman ni Nograles sa isasagawang imbestigasyon sa Marso 1.

Tulad ng marami, dismayado si Nograles sa insidente na ikinamatay ng dalawang pulis at dalawa rin sa hanay ng PDEA at ikinasugat ng iba pa.

“Sana’y magkaroon ng liwanag sa isyu. As it is, there are a lot of unanswered questions that could cast a shadow on the administration of justice in the country,” dagdag pa ni Nograles.

Hindi aniya dapat hayaan na lumamig na lamang ang isyung ito na walang mananagot dahil kung hindi ay tuluyang mawawalan ng tiwala ang publiko sa mga law enforcer.

“Kailangan makita ng mga kababayan natin na may mananagot pagkatapos ng imbestigasyon at kailangan ding magsikap ng mga law enforcement natin na ipakitang matututo sila sa pagkakamaling ito,” ayon pa kay Nograles. (BERNARD TAGUINOD)

Read More

Pag-aaral nais padaliin ni Rep. Nograles EASY ACCESS SA KABATAANG PWDs

0

KAAKIBAT ng layuning matulungan sa kanilang pag-aaral ang mga batang kabilang sa persons with disabilities (PWDs), namahagi si Rizal 2nd District Congressman Fidel Nograles ng aabot sa 200 digital tablets kamakailan.

Personal na inabot ng mambabatas ang mga tablet sa mga estudyanteng PWD.

“Alam natin na napakaraming pagsubok ngayon na hinaharap ng mga batang may kapansanan sa kanilang online o distance learning,” ayon sa bagitong mambabatas.

“Kaya patuloy tayong nakaagapay sa ating mga PWD upang masigurado ang kanilang patuloy na pag-aaral,” dagdag pa nito.

Plano ni Nograles na palawigin at gawing institusyon na ang nasabing programa upang matulungan ang mga disabled student na malagpasan ang iba’t ibang pagsubok sa distance learning.

“Makikipagpulong po tayo sa mga special education stakeholders nang mas maintindihan natin kung paano mapupunan ang mga pagkukulang at maging mas makabuluhan ang suportang ibibigay natin sa kanila,” ayon pa Harvard trained-lawyer.

Ang mga ipinamahaging gadgets ng mambabatas sa mga PWD student ay paunang tulong pa lamang kaya naghahanap ito ng makakatuwang mula sa pribadong sektor at maging sa mga sektor ng akademya para maipagpatuloy ang pagtulong sa mga ito.

“We are envisioning putting in place a system that ensures easy access for children with disabilities and their families so that they are not left behind. This means establishing effective linkages, among others, so we can provide primary and supplementary learning resources at a subsidized rate, if not free,” ayon pa kay Nograles.

Si Nograles ay regular na tumutulong sa PWDs, senior citizens at iba pang bulnerableng sektor ng lipunan. (BERNARD TAGUINOD)

Read More

Paalala sa eligible voters MAGPAREHISTRO, BUMOTO SA 2022 – REP. NOGRALES

0

(BERNARD TAGUINOD)

UMAPELA si Rizal 2nd District Congressman Fidel Nograles sa mga eligible voter na magparehistro upang makaboto sa 2022 national at local elections.

Bukod sa mga kabataan na edad 18 pataas, nakiusap din si Nograles sa mga dating botante na na-deactivate ang voters registration dahil hindi nakaboto noong 2018 barangay at 2019 national election na muling magparehistro.

Ginawa ng mambabatas ang panawagan matapos aminin ng Commission on Elections (Comelec) na umaabot palang sa 1.17 million botante ang nagparehistro mula sa 4 milyong Pilipino na kuwalipikadong bumoto.

Bukod dito, umaabot din umano sa 7 million botante ang na-deactivate ang voters registration matapos hindi makaboto sa dalawang magkasunod na eleksyon.

“Huwag na po natin hintaying umabot pa sa deadline bago kumilos para mag-rehistro at magpa-reactivate ng registration. Ang pagboto ay isang sagradong tungkulin ng mamamayang Pilipino na hindi natin dapat talikuran,” ani Nograles.

Unang sinabi ni Comelec Commissioner Rowena Guanzon na posibleng hindi na palawigin ang itinakda hanggang Setyembre 2021 na pagpaparehistro dahil sa kakulangan na ng oras kaya sinabi ni Nograles na dapat samantalahin ng mga botante ang pagkakataon lalo na ang mga kabataan.

“Elections are an opportunity to implement change. Youth should not pass up the chance to elect those they think should lead,” ayon pa kay Nograles.

“Marami sa ating nagbabatikos sa social media, nagtatawag ng pagbabago. Nasa kamay natin ang pagbabagong hinihingi natin at nagsisimula ito sa paghalal ng mga lingkod-bayan na kinakatawan ang mga nais nating makita sa mga lider natin. Ngunit hindi ito magiging posible kung hindi tayo magre-rehistro,” dagdag pa ng mambabatas.

Sinuportahan din ng Harvard trained lawyer ang mungkahi ni Guanzon na i-extend ang oras ng registration hanggang alas-tres ng hapon kada araw.

Nais din ni Nograles na magkaroon ng satellite office sa mga barangay ang Comelec para mas maraming makapagparehistro lalo na’t hirap pa ang mga tao na makabiyahe dahil sa pandemya.

“Kung kailangan po magronda nang naka-loud speaker o kaya mag-house-to-house sa mga isolated na lugar, gawin po natin para mahikayat na magparehistro ang mga kababayan natin,” ani Nograles.

“Maybe we could do some form of bloc registration para we are assured of large batches especially from geographically isolated and disadvantaged areas,”dagdag pa nito.

Read More

Isusulong ni Nograles sa Kamara PROTEKSYON SA LAW PROFESSIONALS

0

(BERNARD TAGUINOD)

PINAG-AARALAN na ni Rizal 2nd District Congressman Fidel Nograles ang batas na ihahain sa mababang kapulungan ng Kongreso para mabigyang proteksyon ang mga alagad ng katarungan sa bansa.

Kasabay nito, ikinatuwa ng mambabatas ang pagtutulungan ng Supreme Court (SC) at Department of Justice (DOJ) para aksyunan ang patuloy na pagpaslang sa mga law professional na umaabot na sa 56 mula noong 2016.

Huling biktima ng pag-atake sa law prefessionals si Atty. Winston Intong na pinatay malapit sa kanilang bahay sa Malaybalay, Bukidnon noong nakaraang linggo, isang araw matapos magpulong ang SC at DOH kasama ang Integrated Bar of the Philippines (IBP) kaugnay ng pagpatay sa mga abogado at hukom.

“That another lawyer has been killed just a day after the meeting underscores the urgency of the issue. I thank the SC and DOJ for collaborating to put an end to these acts of impunity. We cannot wait soon enough for this issue to be resolved,” ayon sa Harvard trained lawyer na si Nograles.

Ayon sa mambabatas na vice chairman ng House committee on justice, inaantay nito ang report ng SC hinggil sa kanilang pulong sa DOJ, IBP at iba pang ahensya para makagawa ito ng panukalang batas para maproteksyunan ang mga kagawad ng katarungan sa bansa.

Iginiit ng mambabatas na kailangan ang pagtutulungan ng lahat ng sangay ng gobyerno, ang ehekutibo, lehislatura at hudikatura para magkaroon ng isang direksyon para sa “safer environment for the administration of law and justice” sa bansa.

“Mag-aambag din po ang Kongreso at makikipagtulungan kung anong batas ang kailangang maipasa upang masigurong ligtas ang mga kumikilos para sa pananaig ng batas at upang magkaroon nang mas maayos na klima para sa pagtaguyod ng hustisya sa bansa,” ani Nograles.

Good news din aniya para sa mga kaanak ng mga pinapatay na abogado at hukom ang plano ng SC na atasan ang mga korte na mag-imbentaryo sa hindi umuusad na kaso ng mga pinatay na abogado at bilisan ang pagresolba sa mga ito.

Ang planong ito ng SC ay kasunod ng report ng DOJ na sa 56 kaso ng pagpatay sa mga abogado, 5 pa lamang ang nakarating sa korte habang ang 51 iba pa ay walang datos mula mga prosecutors office na nagpapakita na naisampa na ito.

Noong nakaraang taon ay inihain ni Nograles ang House Resolution (HR) 185 para imbestigahan ang pagpatay sa law practitioners at bumuo ng isang special task force ang DOJ at Philippine National Police (PNP) para habulin at panagutin ang mga utak sa pagpatay sa mga abogado sa pakikipagtulungan sa Commission on Human Rights (CHR) at IBP.

Read More

ANTI-CHILD PORN LAW AMYENDAHAN NA – NOGRALES

0

(BERNARD TAGUINOD)

MULING umapela si Rizal 2nd District Congressman Fidel Nograles sa liderato ng Kamara na isalang na sa deliberasyon ang kanyang panukalang amyendahan ang
Republic Act (RA) 9775 o Anti-Child Pornography Act of 2009 upang matigil na ang online exploitation sa mga kabataan.

Ginawa ni Nograles ang apela matapos aksyunan ni Pangulong Rodrigo Duterte ang problema sa online child pornography nang atasan niya ang National Telecommunications Commission (NTC) na patawan ng parusa ang mga Internet Service Provider (ISP) na mabibigong pigilan ang krimeng ito.

“Nagpapasalamat tayo na si Pangulong Duterte na mismo ang nagdirekta para magkaroon ng agarang aksyon laban sa child pornography. Nananawagan tayo sa Kongreso na gawin din ang makakaya para matigil na ang pagsasamantala sa ating kabataan,” ani Nograles.

Ang kautusan ng pangulo ay kasunod ng paglobo ng online sexual exploitation noong 2020 kung saan umaabot sa 47,937 ang naitalang kaso na mahigit doble sa 19,000 na nairekord noong 2019.

Maging ang Anti-Money Laundering Council (AMLC) ay nagsabi na umaabot sa P113.1 million ang suspicious transaction noong 2020 dahil sa child pornography na halos doble rin sa P6.5 million na naitala noong 2019.

Dahil dito, kailangang umaksyon na aniya ang Kongreso at amyendahan ang nasabing batas upang lalong mapalakas ang kampanya laban sa child pornography dahil lumalala ito habang tumatagal.

Sa ngayon ay nakabinbin ang House Bill (HB) 7633 o Anti-Sexual Abuse and Exploitation of Children Act of 2020 na inakda ni Nograles na naglalayong amyendahan ang Section 9 ng nasabing batas.

“The said section allows internet service providers to install software that could block access to and transmittal of child pornography and notify authorities within seven days of detection of any internet address that may contain child pornography,” ani Nograles.

“However, it also states that ‘nothing in this section may be construed to require an ISP to engage in the monitoring of any user, subscriber or customer or the content of any communication of any such person,’ which telecom operators have said effectively hampers them from taking action, in particular monitoring and blocking child pornography websites,” dagdag pa ng Harvard trained lawyer.

Dahil dito, kailangang amyendahan aniya ang Section 9 ng nasabing batas at ilagay ang “Duties of an Information and Communication Technology Service Providers (ICTSP) – All Information and Communication Technology Service Providers (ICTSP) shall install available technology, program or software to ensure that access to or transmittal of any form of child pornography will be blocked or filtered”.

Kailangang ipaalam din ng mga ICTSP sa Philippine National Police (PNP) at National Bureau of Investigation (NBI) sa loob ng pitong araw ang impormasyon hinggil sa child pornography na transaction upang agad maaksyunan ito at iba-ban din ang lahat ng dayuhan na may kinakaharap na sex-related cases sa kanilang bansa.

Read More