NAMAYAGPAG si Partido Federal ng Pilipinas (PFP) Mayoralty candidate Atty. Alex Lopez sa survey ng Far Eastern Research nitong Abril 7-14, 2022.

Si Lopez ang opisyal na kandidato ng BBM-Sara UniTeam sa Maynila.

Nakakuha si Lopez ng 20,064 o 65.63% ng kabuuang bilang ng mga boto.

Pumangalawa naman kay Lopez si Honey Lacuna na nakakuha ng 18.83%. Sumunod sina Amado Bagatsing (15.33%), Elmer Jamias (0.11%) at Cristy Lim (0.11%). Mayroon 30,571 respondents ang naturang survey.

Nagsagawa rin ng hiwalay na survey ang Original Matang Manila for Charity Media (OMMCM) Est 2019, nitong April 9-19, 2022 na mayroon naman 20,000 kabuuang respondents.
Isang volunteers group ang OMMCM na nakabase sa lungsod ng Maynila.

Muli, nanguna si Atty. Lopez sa OMMCM survey na nakakuha ng 56%. Ang iba pang kandidatong alkalde na sina ni Honey Lacuna, ay nakapuntos ng 32%; Amado Bagatsing, 7%; Cristy Lim, 4%; at Elmer Jamias, 1%.

Maging sa naunang isinagawang survey ng OMMCM ay nakakuha si Lopez ng 58% ng may kabuuang 1,000 bilang ng respondents, 29% si Lacuna; at undecided o di pa nakapagpasya ang 13% sa mga ito.

Nanguna rin si Atty. Lopez sa face-to-face survey na isinagawa ng field reporters ng pahayagang Police Files Tonite (PFT) na may 37 boto, pumapangalawa si Lacuna (29), sumunod si ex-Cong. Bagatsing (19). Labing lima (15) ang undecided. Wala namang pumabor kina retired General Jamias at Christy Lim, anak ni dating Mayor Fred Lim.

Isinagawa ang mga nasabing survey upang matukoy ang pulso ng masa at hindi maipagkakaila na si Atty. Alex Lopez ang mas gusto ng mga Manilenyo. Nagpapahiwatig ito na nagsusumamo ang taumbayan upang magkaroon ng bagong pinuno ng bayan na gagabay tungo sa makataong kaunlaran.

Ang matataas na marka na nakuha sa mga survey ni Atty. Alex, maaaring resulta ng patuloy na paglaganap ng kanyang katanyagan na dala rin ng kanyang mga isinusulong na adhikain para sa mga Manilenyo.

Mabilis na tinutugunan ni Atty. Alex ang mga hinaing ng mga maralitang mamamayan kabilang ang pinangunahan niyang pagsasampa ng petisyon para sa agarang pagpapalabas ng food packs at social amelioration ng mga senior citizens. Mas nakilala ng mga tao si Atty. Alex dahil sa kanyang patuloy na pagbaba sa mga komunidad na hindi kailanman pinuntahan ng kandidato ng kasalukuyang administrasyon ng lungsod ng Maynila.

Kamakailan, umangat din nang husto si Atty. Lopez sa mga ginanap na forum ng De La Salle University, Federation of Filipino-Chambers of Commerce & Commerce & Industry, Inc (FFCCCII) at ng National Press Club of the Philippines (NPC).

Mahalaga ang mga survey at debate upang matantya ang posibleng resulta ng botohan ng kandidato sa darating na halalan ngayong Mayo 9.

Makikita ang kabuuan ng resulta ng Manila Mayoralty Candidate Poll sa https://fareasternresearch.com/en/poll/NQ==?fbclid=IwAR1saBsnPHkAgwg4dUI2qWPqEXlHkR4w1MdSn8azcjsvH8-BwRAXZn-DuJo o sa Official Facebook Page ng Far Eastern Research.