SUPER HEALTH CENTER ITATAYO SA TANZA, CAVITE

ISANG Super Health Center ang nakatakdang itayo sa bayan ng Tanza, Cavite.

Ang dalawang palapag na Super Health Center na  pinondohan sa ilalim ng Department of Health (DOH) Health Facility Enhancement Program sa ilalim ng GAA 2023, ay magbibigay ng lahat ng mga kakailanganin na basic health kabilang ang specialized health services, outpatient department, laboratory, X-ray, ultrasound, birthing services , diagnostic, pharmacy at emergency service.

Sinabi ni DOH-Regional Director Ariel Valencia, ang pagtatayo ng health facility ay magpapalakas ng health referral system sa lugar at mas maraming Tanzenos ang mabibiyayaan ng health services.

“Nais po nating bigyang diin dito ang pagpapatibay ng ating referral system, mula sa RHU hanggang Hospital (level 1-2) hanggang sa apex kung ano ang kailangan ng pasyente (medical needs) pabalik sa kanilang mga tahanan o komunidad.”

“Bahagi ito ng pagpapatupad ng UHC (Universal Health Care) kung saan ang mga lokal na pamahalaan ay may  kakayahang magbigay ng mga serbisyong pangkalusugan sa komunidad pati na rin sa karatig bayan nito,” ayon kay  Valencia.

Kabilang sa mga medical equipment na itu-turn-over ang Blood monitoring device, Bed, Blood Draw Chair, BP Apparatus, Chemistry Analyzer, Clinical Centrifuge, Dental Equipment, EENT Diagnostic Set, Emergency Cart, Emergency Light, Gang chair, Hemocytometer, Hematocrit Centrifuge, -Hematology Analyzer, Infant warmer, Instrument Sterilizer, Microscope Binocular, Nebulizer, Neurologic Hammer, Pharmaceutical Refrigerator, Pipette Shaker, Pulse oximeter, Spectrophotometer, Stethoscope, Thermometer, Ultrasound Machine with Color Doppler 4D, Urine Analyzer, Vaccine Refrigerator, Water bat at  Wheelchair with IV stand.

Isinagawa ang groundbreaking ceremony ng Tanza Super Health Center na matatagpuan sa Brgy. Daang Amaya 1, Tanza, Cavite  sa pangunguna ni  CALABARZON Regional Director Ariel I. Valencia, Tanza Mayor Yuri A. Pacumio, Board Members Francisco Gabriel “Abeng” Remulla,  Munding Del Rosario, Vice Mayor Angelo Simon Matro, PHTL Dr. Ronaldo I. Calingasan, Municipal Health Officer Ruth Punzalan, Sangguniang Bayan representatives at staff mula sa DOH at LGU.

Matatapos ang konstruksiyon ng Tanza Super Health Center bago matapos ang taon dahil sa inisyatibo ng Local Government ng Tanza sa ilalim ng Municipal Health Office (MHO). (SIGFRED ADSUARA)

129

Related posts

Leave a Comment