BIGO ang tambalan nina Carlo Biado at Jeff de Luna ng Pilipinas sa mag-partner na sina Albin Oucshan at Mario He ng Austria, 11-3, sa final ng 2019 World Cup of Pool kamakalawa sa Morningside Arena sa Leicester, United Kingdom.

Nagbulsa sina Biado at De Luna ng $30,000 bilang runner-up, habang $60,000 naman ang naiuwi ng nagkampeong Austrian players.

Nakausad sina Biado at De Luna sa finals nang talunin ang Netherlands duo na sina Neils Feijen at Marc Bijsterbosch, 9-6 sa semifinals.

Habang tinalo ng Austria ang Spain team nina David Alcaide at Francisco Sanchez Ruiz, 9-3 sa final four.