INAPRUBAHAN ni Pangulong Rodrigo Roa Duterte ang rekomendasyon ng Inter-Agency Task Force (IATF) na i-lift o bawiin ang kasalukuyang travel restrictions sa mga bansang India, Pakistan, Bangladesh, Sri Lanka, Nepal, United Arab Emirates, Oman, Thailand, Malaysia at Indonesia simula Setyembre 6, 2021.

Ang mga international traveler na manggagaling sa mga nasabing bansa ay kailangang sumunod sa naaangkop na “entry, testing and quarantine protocols,” depende sa approved “listing” ng bansa.

Inaprubahan din ng IATF ang papapatibay ng “Yellow” and “Red” classifications, bilang karagdagan sa “Green List” countries/jurisdictions/territories.

Batay ito sa kani-kanilang incidence rates at case counts bilang primary criteria, at testing data bilang secondary criteria.

Ang incidence rate ay ang pinagsama-samang bagong kaso sa nakalipas na 28 araw sa kada 100,000 populasyon habang ang case counts naman ay pinagsama-samang bagong kaso sa nakalipas na 28 araw.

Sinabi ni Presidential spokesperson Harry Roque na “classified” bilang Moderate Risk ang “Yellow List” countries/jurisdictions/ territories batay sa mga sumusunod na metrics: “(i) for populations greater than 100,000, the incidence rate shall be 50 to 500; and (ii) for populations less than 100,000, the COVID-19 case counts shall be 50 to 500; and testing rate of tests over the past 28 days per 100,000 population.”

Ang inbound international travelers, maging anoman ang kanilang vaccination status, na nanggaling o may travel history sa loob ng 14 araw bago ang kanilang pagdating sa Pilipinas mula sa “Yellow List” countries/jurisdictions/territories “shall be governed by entry, testing and quarantine protocols.”

Sa kabilang dako, ang “Red List” countries/jurisdictions/territories ay classified naman bilang “High Risk” base sa sumusunod na metrics: “(i) for populations greater than 100,000 the incidence rate shall be more than 500; and (ii) for populations less than 100,000, the COVID-19 case counts shall be more than 500, and testing rate of tests over the past 28 days per 100,000 population.”
Ang inbound international travelers, mula sa “Red List” countries/jurisdictions/territories ay hindi papayagan na pumasok ng Pilipinas.

Tanging ang mga Filipino na magbabalik sa bansa via government-initiated repatriation, non-government-initiated repatriation, at Bayanihan flights ang maaaring payagan na pumasok, “subject to entry, testing and quarantine protocols.”

Sa kabilang dako, inaprubahan din ng IATF ang “soft launch” ng VaxCertPH sa darating na Setyembre 6, para sa overseas Filipino workers at Filipinos na aalis ng bansa para sa international travel na ang place of residence sa Kalakhang Maynila at Baguio City ay prayoridad sa initial phase ng implementasyon ng VaxCertPH.

Green countries

Kaugnay nito, inaprubahan na ng Inter-Agency Task Force (IATF) ang updated list na kinukonsiderang “Green” countries/jurisdictions/territories.

Kabilang dito ang American Samoa, Anguilla, Australia, Benin, Burkina Faso, Cameroon, Cayman Islands, Chad, China, Comoros, Republic of the Congo, Djibouti, Equatorial Guinea, Falkland Islands (Malvinas), Gabon, Grenada, Hong Kong (Special Administrative Region of China), Hungary, Mali, Federated States of Micronesia, Montserrat, New Caledonia, New Zealand, Niger, Northern Mariana Islands, Palau, Poland, Saba, Saint Pierre and Miquelon, Sierra Leone, Sint Eustatius, Slovakia at Taiwan.

Mula sa dating 36 ay nabawasan na ito at 33 bansa na lamang ang nasa updated list na Green” countries/jurisdictions/territories. (CHRISTIAN DALE)