MAFIA SA PHILHEALTH BUWAGIN Bago maubos ang pondo

0

KAILANGANG paspasan na ng Kongreso ang paggawa ng batas para i-overhaul ang Philippine

Health Insurance Corporation (PhilHealth) na bubuwag sa mafia bago pa man nila maubos ang

pondo ng nasabing state insurance firm.
Ito ang iginiit ni Bayan Muna party-list Rep. Carlos Zarate dahil mistulang wala umanong indikasyon

na titigil ang mafia sa panggagatas sa pondo ng mamamayan para sa kanilang kalusugan.
“Kailangan [ngayong] pagbubukas ng second regular session ay seryosohin ‘yan [katiwalian]

otherwise mababangkarote ang PhilHealth na ‘yan sa pondo na kailangan natin,” ani Zarate.
Ang PhilHealth ay mayroong assets na mahigit P225 Billion at kung magpapatuloy aniya ang

katiwalian dito ay malamang na ubusin ito ng mafia kung hindi sila mapigilan at maparusahan.
Ayon sa mambabatas, mas kailangan ngayon ng mamamayan ang pondong ito sa panahon ng krisis

sa kalusugan kaya dapat bilisan aniya ang pagbuwag sa sindikato.
Muling nasa gitna ng kontrobersya ang PhilHealth nang mag-resign ang tatlong opisyal kabilang na

ang anti-fraud chief na si Atty. Thorrsson Montes Keith matapos magkaroon ng mainitang pagtatalo

dahil sa ginagawa nitong imbestigasyon sa katiwalian sa kanilang tanggapan.
Huling nagkaroon ng kontrobersya sa PhilHealth nang sumabog ang ghost dialysis patient sa

WellMed Dialysis Center sa Quezon City na hanggang ngayon ay wala pa umanong naparurusahan.
Wala rin umanong nangyari  at hindi naparusahan ang mga nasa likod ng cataract operation scam,

pneumonia scam at iba pa na daan-daang bilyong piso ang sangkot na halaga.
Dahil dito, sinabi ni Zarate na lalong lumalakas ang loob ng mga sindikato sa PhilHealth dahil alam

nilang hindi sila mahuhuli at maparurusahan sa kanilang pagnanakaw sa pondo ng bayan.
Kinonsensya naman ni Marikina Rep. Estella Quimbo ang mga taong nasa likod ng katiwalian sa

PhilHealth dahil ginagawa nila ito sa panahon na kailangan na kailangan ng mamamayan ang

pondo para mapagamot ang kanilang karamdaman.
“Napakabigat na kasalanan ‘yan,” ani Quimbo kaya muli nitong iginiit na triplehin ang parusa sa

mga tiwali sa nasabing state insurance firm. (BERNARD TAGUINOD)

Read More

LT. GEN. GAPAY, BAGONG AFP CHIEF OF STAFF

0

APRUBADO na ni Pangulong Rodrigo Roa Duterte ang pag-upo ni Lt. General Gilbert Gapay bilang bagong AFP Chief of Staff.

Sa liham ng Pangulo kay Defense Secretary Delfin Lorenzana na may petsang Hulyo 28, nakasaad dito na batay sa letter-endorsement at alinsunod sa rekomendasyon ng AFP Chief of staff at chairman ng AFP Board of Generals at alinsunod sa Republic Act 8186 ay inaprubahan nito ang pag-upo ni Gapay bilang bagong AFP Chief of staff.

Pinalitan ni Gapay si Gen. Felimon T. Santos Jr.

Epektibo sa Agosto 3 ang nasabing bagong posisyon ni Gapay. (CHRISTIAN DALE)

Read More

Bilang paggunita sa Eid’l Adha REGULAR HOLIDAY BUKAS, IDINEKLARA NG MALAKANYANG

0

OPISYAL nang idineklara ng Malakanyang na regular holiday bukas, araw ng Biyernes, Hulyo 31 sa buong bansa bilang paggunita sa Eid’l Adha o Feast of Sacrifice.

“Presidential Proclamation No. 985 (s. 2020), Declaring Friday, 31 July 2020, a regular holiday throughout the country, in observance of Eid’l Adha (Feast of Sacrifice),” ang nagkaisang pahayag nina Executive Secretary Salvador Medialdea at Presidential spokesperson Harry Roque.

Ginugunita sa araw na ito ang pagpayag ni Ibrahim (kilala bilang Abraham) na sundin ang utos ni Allah (Diyos) na isakripisyo ang kanyang anak na si Isaac.

Sinusunod ang pagdiriwang na ito ng lahat ng mga kapatid na Muslim kasama ang Druze sa buong mundo. Ito ang pangalawa at pang­huli sa dalawang kapistahang Eid na ipinagdiriwang ng mga Muslim, na ibinatay sa Kuran. Tulad ng Eid al-Fitr, sinisimulan ang Eid al-Adha sa maikling panalanging sinusundan ng sermon (khuṭba).

Pumapatak ang Eid al-Adha tuwing ika-10 araw ng buwan ng Dhul Hijja mula sa kalendaryong Islamiko. Nagtatagal ng tatlong araw ang pagdiriwang o higit pa, depende sa bansa.

Isinasagawa ang Eid al-Adha pagkatapos ng paglalakbay sa banal na lugar (tinatawag na pilgrimage) mula sa  bundok ng Arafat kung saan naroroon ang Hajj.

Ang Hajj ay taunang Islamic pilgrimage sa Mecca, Saudi Arabia, ang pinakabanal na lungsod para sa mga Muslim. Isang kautusan at obligasyon sa relihiyon na isagawa ng lahat ng may edad na mga Muslim na walang kapansanan at may pinansiyal na kakayahan na isagawa ang pilgrimage.

Sinusuportahan din ang mga pamilya sa panahong wala sila sa kanilang mga tahanan o nasa pilgrimage. Sa Islamic terminology, ang Hajj ay pilgrimage para sa Kaaba, o “House of God”, na nasa sagradong siyudad ng Mecca.

Ang ritwal sa Hajj ay isinasagawa sa loob ng lima, o anim na araw, nagsisimula sa ikawalo at nagtatapos sa ika-13 sa araw ng Dhu al-Hijjah, ang huling buwan sa Islamic calendar.

Isa ito sa five pillars ng Islam, kasama ng Shahadah, Salah, Zakat at Sawm. Ang Hajj ay ikalawa sa largest annual gathering ng Muslims sa buong mundo, matapos ang Arba’een Pilgrimage sa Karbala, Iraq.

Samantala, nangyayari ang Eid al-Adha sa ika-70 mga araw pagkalipas ng katapusan ng buwan ng Ramadan. (CHRISTIAN DALE)

Read More

Sa mga nasa ilalim ng GCQ areas GYMS, COMPUTER SHOPS, DRIVE-IN CINEMAS PWEDE NANG MAGBUKAS SA SABADO

0

SIMULA sa Agosto 1, araw ng Sabado ay papayagan na ng Inter-Agency Task Force (IATF) ang 30%

operation ng testing & health-related review centers, gyms, computer shops, aesthetic

establishments, drive-in cinemas sa mga lugar na nasa ilalim ng general community quarantine

(GCQ).

Ito’y matapos i-recategorized ng Inter-Agency Task Force for the Management of Emerging

Infectious Diseases (IATF-EID) ang klasipikasyon ng Category IV industries sa Category III industries

na payagan ang limitadong operasyon sa mga lugar na nasa ilalim ng GCC.

Kabilang na rito ang testing at tutorial centers, review centers, gyms, fitness centers at sport

facilities, internet cafes, establisimyento na nag-aalok ng personal grooming at aesthetic services,

pet grooming, at drive-in cinemas.

“All of these recategorized business activities shall gradually resume operations at 30% operational

capacity starting August 1,” ayon kay Sec. Roque.

Ang Department of Trade and Industry (DTI), sa pakikipagtulungan sa Department of Health (DOH),

ay bubuo ng mandatory health protocols para sa bawat business activity.

Ang mga miyembro ng IATF, sa kanilang ika- 59 pulong ay inaprubahan din ang business activities sa

ilalim ng Category IV, na ang ibig sabihin ay, “they are allowed only in areas under modified general

community quarantine (MGCQ).”

Kabilang na rito ang full body massage; tattoo and body piercing; live events; entertainment

industries; libraries, archives, museums and cultural centers; tourist destinations; language, driving,

dance/acting/voice schools.

Ang cockfighting o sabong at operasyon ng beerhouses at kahalintulad na establisimyento na ang

pangunahing serbisyo ay alcoholic drinks at kid amusement industries ay nananatiling

ipinagbabawal sa kahit na anomang uri ng community quarantine. (CHRISTIAN DALE)

Read More

NETFLIX, LAZADA, FACEBOOK BUBUWISAN NA

0

ILANG hakbang na lang ay magbabayad na ng buwis ang mga digital transaction at platrom tulad

ng Facebook, Netflix, Lazada, Webinars, Shopee at iba matapos aprubahan sa committee level sa

Kamara ang panukalang kolektahan ang mga ito ng 12 percent value added tax (VAT).
Sa virtual hearing ng House committee on ways and means, walang kahirap-hirap na inaprubahan

ang nasabing panukala na inakda mismo ng chairman ng komite na si Albay Rep. Joey Salceda.
“We have now clarified that digital services and the goods and services traded through digital

service providers should generally be subject to VAT. This is just a matter of common tax sense,” ani

Salceda.
Ang digital services ay kinabibilangan ng “online licensing of software, updates, and add-ons,

website filters and firewalls; mobile applications, video games, and online games; webcast and

webinars; provision of digital content (music, files, images, text and information); online

advertising; electronic marketplaces, internet-based telecommunication; online training (distance

teaching, e-learning, online courses and webinars); online newspapers and journal subscription,

payment processing services at iba pa”.
Sa ngayon ay hindi pinagbabayad ang mga ito sa buwis gayung kumikita umano ang mga ito sa

advertisement. Kapag naging batas, inaasahang makakakolekta umano ang gobyerno ng P10 bilyon

karagdagang buwis.
Sinabi ni Salceda na hindi masasagasaan ang maliliit sa panukalang ito dahil 77%  sa magbabayad

ay mula sa upper middle-income families at pataas habang 0.04% lamang umano ang mula sa

maliliit.
Bukod dito, tinatayang P1 bilyon lamang umano ang makokolekta sa local companies habang ang

natitirang P9 bilyon ay manggagaling sa mga dayuhang kumpanya na nasa likod ng malalaking

digital platforms tulad ng Netflix at Facebook at iba pang social media outlets.
Gayunpaman, nilinaw ni Salceda na ang local companies na gumagamit sa nasabing mga platforms

sa kanilang negosyo at kumikita lamang ng P250,000 kada taon ay libre umano sa nasabing buwis.
“Any person who, in the course of trade or business, sells, barters exchanges, leases goods or

properties—including those in digital or electronic in nature—renders services, including those

rendered electronically, and any person who imports goods shall be subject to the VAT,”

pagtatanggol naman ng vice chairman ng nasabing komite na si AAMBIS-OWA party-list Rep.

Sharon Garin.
Inaasahan na agad gagawa ang komite ng report para ilatag ito sa plenaryo ng Kamara upang

mapagtibay sa ikalawa at ikatlong pagbasa. (BERNARD TAGUINOD)

Read More

KRITIKO NI PANGULONG DUTERTE BINIRA NI IMEE

0

BINATIKOS ni Senadora Imee Marcos ang lahat ng kritiko ni Pangulong Rodrigo Duterte sa nakaraan

nitong State of the Nation Address (SONA) na nagsabing nagbibingi-bingihan at manhid ang

punong ehekutibo sa malinaw na panawagan ng pagbabago sa Pilipinas.

“Napakalinaw ng pahayag ng ating Pangulo sa kanyang SONA: Magbago o tuluyan nang maglaho!

Siya ang mangunguna sa pagbabago laban sa napakaraming mga virus na namemerwisyo sa ating

bansa – COVID-19, lahat ng uri ng korapsyon, criminal syndicates at mga sinauna at

makapangyarihang oligarkiya,” paliwanag ni Marcos.

“Totoo na sa bawat krisis, lumilikha ito ng oportunidad. Dapat ang pandemyang ito ang magbigay

sa atin ng pagkakataon para tuluyan nang mawalis ang mga bulok at magamot ang sakit ng ating

bansa at pagkalooban tayo ng magandang dahilan at lakas para tanggalin ang oligarkong mapang-

api at maiproseso ang tuluyang pagbabago sa Pilipinas. Sama-sama tayong kumilos, magtrabaho at

isalba ang ating bansa!” dagdag ni Marcos.

Binatikos ni Marcos ang reklamo ng mga kritiko ng Pangulo na umano’y kulang ang SONA sa

tinatawag na roadmap to recovery, gayundin sa pagkanti sa mga oligarkong palpak ang serbisyo ng

public utilities gaya ng telecom, kuryente at tubig, kasabay ng patuloy na pamamayagpag ng

katiwalian o korapsyon at talamak na bentahan ng droga dahilan para manawagan siya na ibalik

ang death penalty.

“Marami ang pumuna sa kawalan ng pinalawak na planong pang-ekonomiya sa SONA ng Pangulo.

Pero kung hahanapin lang ang mga masalimuot na pagtalakay sa micro-economics, talagang hindi

kaagad ito mapapansin. Ang mga espisipikong mga panukalang batas na inaapela niya sa Kongreso

na ipasa ay bahagi ng roadmap sa recovery ng bansa na matagal na pinoproseso bago pa man

mag-lockdown,” sabi pa ni Marcos.

Nagbabala rin si Marcos na mayroon na lang dalawang taon ang mapangahas at matapang na

pamumuno ni Pangulong Duterte para magkaisa ang lahat.

“Trabaho ng mga economic manager at lehislatura na sabay-sabay na ayusin ang mga detalye ng

mga epektibong proteksyon ng lipunan, tunay na healthcare modernization gayundin ang mabilisan

at universal na economic recovery,” dagdag pa ni Marcos. (NOEL ABUEL)

Read More

EO para sa nuclear energy program inilabas MURANG KURYENTE POSIBLE NA?

0

POSIBLE nang magkaroon ng murang kuryente ang mga Filipino ngayong ipinag-utos ni Pangulong

Rodrigo Roa Duterte ang pagbuo ng isang inter- agency committee na may kinalaman sa nuclear

energy program.
Ang direktiba ay ginawa ng Chief Executive sa pamamagitan ng paglalabas ng Executive Order 116.
Sinasabing, bubuuin ang Nuclear Energy Program Inter- Agency Committee ng mga kinatawan mula

sa Department of Energy na magsisilbing chairperson habang tatayong vice chairperson ang

kinatawan mula sa DOST.
Ang magiging miyembro naman ng Inter- Agency ay DILG, DENR, Finance Department, DFA, NEDA,

National Power Corporation, National Transmission Corporation, Philippine Nuclear Research

Institute at PHIVOLCS.
Layon ng hakbang na magkaruon ng assessment at kaukulang evaluation hinggil sa posibilidad na

gumamit na rin ng nuclear power ang estado.
Base sa EO, hindi lamang nakasentro dapat sa Bataan Nuclear Power Plant ang gagawing pag-aaral.
Saklaw din ng pag-aaral ang epekto sa kalikasan at seguridad ng nasabing planta.

MARCOS TIME

Noong 1976, ipinag-utos ni Pangulong Ferdinand Marcos ang pagpapagawa ng Bataan Nuclear

Power Plant na ang layunin ay magkaroon ng tuluy-tuloy at maaasahang source ng kuryente.
Ibinatay ni Marcos ang kanyang desisyon sa madalas na pagkakaroon ng “energy crisis” Sa Pilipinas

tuwing nag-aaway at nagkakagulo ang mga bansa sa Middle East (ME) dahil sa produksiyon ng

langis na kailangan ng mundo.
Ngunit hindi nagamit ang naturang proyekto dahil na rin sa mga paninira ng makakaliwa at

‘dilawang’ grupo. Ito ang itinuturong dahilan kaya ang Pilipinas ang itinuturing ngayon na may

pinakamataas na presyo ng kuryente per kilowatt hour sa buong Asya. (CHRISTIAN DALE)

Read More

VILLAR NAKA-JACKPOT SA WATER CONTRACT

0

MISTULANG naka-jackpot ang mag-asawang sina dating Senate President Manny Villar at Senator

Cynthia Villar nang makuha ng kanilang kumpanyang Prime Water ang 25 taong kontrata sa tubig

sa Bacolod City.

Ayon kay Bayan Muna party-list Rep. Ferdinand Gaite, nagpirmahan na ng joint venture agreement

ang Bacolod City Water District (BACIWA) at Prime Water Infrastructure Corporation noong Hulyo

17, 2020.

“The agreement includes a three-month transition period which ends on November 1, 2020 after

which Prime Water formally takes over the management and operations of the water district,” ani

Gaite.

Mariin itong tinututulan ng grupo ni Gaite dahil mangangahulugan umano ito ng pagtaas ng singil

sa tubig sa mahigit 100,000 consumers sa Bacolod City tulad ng nangyari sa mga water district na

pinasukan ng mga Villar.

Ayon kay Gaite, epektibo umano ang serbisyo ng BACIWA at noong 2018 lamang tumaas sa P40

ang singil sa bawat cubic meter na nakukunsumo ng consumers ngunit nagtataka ito kung bakit

isinapribado at ibinigay ang kontra sa nasabing kumpanya na pag-aari ng mga Villar.

“The turnover of BACIWA to Prime Water will only lead to the inevitable increase in water rates as

its new management strives to make the water supply system profitable. Prime Water is owned by

former Senator Manny Villar and his wife, Senator Cynthia Villar,” anang mambabatas.

Sigurado aniya na papatawan ng 12% na value added tax (VAT) ang consumers sa Bacolod City

bukod sa lolobo rin umano ang singil tulad ng nangyari sa ibang water district na pinasok at

pinamahalaan ng Prime Water.

“Prime Water is also known for imposing unreasonable water hikes despite questionable quality of

its services. Just last year, the water district in San Jose del Monte City, Bulacan, a water district

taken over by Prime Water, imposed a 78 percent water rate hike,” ani Gaite.

Ito ay sa kabila aniya ng mga reklamo ng consumers na hindi maayos ang serbisyo ng Prime water

at hindi kasing kalidad ng tubig ang nakukuha nila bago pinasukan ito ng nasabing kumpanya.

Sa katunayan, ayon kay Gaite, noong 2018 ay pinagsabihan ng Commission on Audit (COA) ang

Prime Water dahil sa mataas na level ng ‘arsenic” sa isinuplay nilang tubig sa Guagua, Pampanga.

“Water is a vital resource, a basic need and a right of the people. The relentless pursuit to privatize

the country’s water supply systems is an affront to the rights of the Filipino people to safe,

affordable and accessible water as well as the job security of workers,” ayon pa sa mambabatas

kaya dapat aniyang bawiin ang JVA sa pagitan ng BACIWA at Prime Water. (BERNARD TAGUINOD)

Read More

LIBRENG SWAB TEST SA LSIs PARA IWAS HAWA

0

KUNG nais na matiyak ng pamahalaan na maiwasan ang pagdami ng bilang ng mga tinatamaan ng

COVID-19 sa mga lalawigan ay dapat na isailalim sa libreng swab test ang locally stranded

individual (LSIs).

Ito ang payo ni Senate President Pro Tempore Ralph Recto sa Inter-Agency Task Force (IATF) bilang

tugon sa patuloy na pagdami ng kaso ng COVID-19 sa iba’t ibang probinsya dahil sa pag-uwi ng LSIs.

“So, virus won’t hitchhike to provinces, swab test ‘Very Important Passengers’ for free. Let us also

swab-test the other, more important VIPs – the Very Important Pasaheros,” aniya pa.

“If we have tested for free those who’ve been on strict quarantine because they’re going to listen to

a speech, then all the more we should test exposed individuals who are going home to their loved

ones,” saad pa ni Recto.

Malaking tulong din umano sa local governments na sasalubong sa mga kababayan nito na ligtas sa

sakit at walang pangambang may dala pa itong virus.

“It will be a great sigh of relief for them if the returnees carry the health clearance that matters.

Kung ngayon, bawal mag-transport ng baboy dahil sa ASF at kailangan may certificate na ligtas ang

mga ito, tao pa kaya?” tanong pa ni Recto. (NOEL ABUEL)

Read More