DEAD on the spot ang isang 60-anyos na ginang makaraang masagasaan ng 10 wheeler truck sa panulukan ng Raxabago at Juan Luna Streets, Tondo, Manila nitong Biyernes ng hapon.

Kinilala ang biktimang si Zenaida Bobier, residente ng Tondo, Manila.

Ayon sa ulat ni Police Master Sergeant Johnny Acebes kay Police Major Jaime Gonzales Jr., hepe ng Vehicular Investigation and Traffic Section (VITS) ng Manila District Traffic Enforcement Unit (MDTEU), bandang alas-1:30 ng hapon nang mangyari ang insidente sa naturang lugar.

Minamaneho ni Jerry Llavore ang 10-weeler truck sa eastbound lane patungong Raxabago Street ngunit lumiko ito sa southbound lane sa Juan luna Street at nasagasaan nito ang tumatawid na biktima na agad nitong ikinamatay.

Ang driver ay nahaharap sa kasong reckless imprudence resulting in homicide. (RENE CRISOSTOMO)