PINASALAMATAN ng nangungunang technology group na Click Party-list ang kanilang mga tagasuporta sa patuloy na pagtitiwala na nagdala sa kanila para mapabilang sa mga nangungunang pagpipilian ng mga botante, partikular sa Calabarzon.

Ipinahayag ni I-click ang No. 34 first nominee at digital lawyer Atty. Nicasio “Nick” Conti na ang paglago ng kamalayan at suporta ay nagmumula sa iisang hangarin ng bawat Pilipino, na magkaroon ng mas mabilis at mas magandang koneksyon para sa pinabuting edukasyon, komunikasyon at serbisyo publiko.

“Nagpapasalamat kami sa patuloy na lumalaki at mainit na suporta. Lumang plaka man sabihin pero kami ay katotohanan ng hindi mapapakong pangako. Ipaglalaban natin sa Kamara ang karapatan ng bawat Pilipino sa koneksyon, teknolohiya at pagpapaangat ng antas ng buhay ng bawat Pilipino,” wika ni Atty. Conti.

“We will work to ensure that there will be better and more jobs that Filipinos can be part of. Pwede online work na malaki sweldo para sa pamilya,” aniya pa.

Nanawagan ang mamamayan at netizens ng mga bagong mukha sa Kongreso, na nagsasabing ang mga bagong personalidad dapat na may kaalaman sa mga legal na paglilitis at hindi lamang isang pangalan o apelyido ng ibang tao.

“Iba naman. Yung marunong at talagang ipinaglalaban ka. Parang kape, paggising mo pa lang, maipaglalaban ka sa buong maghapon minsan hanggang gabi. Kaya suportado namin ang Click. Mag number 34 na tayo sa balota,” post ng isang netizen sa social media page ng Click Partylist.

Nauna nang nanawagan ang Click para sa 20 porsyentong diskwento ng mag-aaral kapag bumibili ng load. Nakakuha ito ng malawakang suporta mula sa publiko partikular na sa mga estudyanteng gumagamit ng prepaid services ng telco.

“Ang matitipid nila magagamit sa iba pang pangangailangan sa eskwelahan. Isa lamang iyan sa marami nating naiisip na gawin sa Kongreso para sa ikagagaan ng buhay ng mamamayan,” pahayag ni Conti.

Sinusugan ito ni Sen. Francis Tolentino na naghain sa Senado ng nasabing panukala.

“Tulungan niyo kami na makasampa sa Kongreso para matulungan namin kayo na makasama sa susunod at mas magandang estado ng buhay,” wika ni Conti, at pinaalalahanan ang publiko na suportahan ang no. 34 sa party list-votes, I-click.