SA isang larawan na kuha ng isang Jesson Kim Archivo Tumbocon, makikita ang Hollywood actress na si Cameron Diaz na nasa I Love Backyard BBQ restaurant sa El Nido, Palawan.

Pinost ito ni Tumbocon sa kanyang social media account, na pinost naman sa Facebook page ng News 5 Features.

Ang nasabing larawan ay pinost din ng sports analyst at dating professional basketball player na si Charles Tiu, at sinabi niyang ang actress ay nasa kanilang Vanilla Beach El Nido property.

Kamakailan lang, nagkaroon ng parang mini-reunion ang Charlie’s Angels cast nang dumalo si Cameron at Drew Barrymore sa ceremony para sa Walk of Fame unveiling ng spot para sa co-star nilang si Lucy Liu. Sumikat si Cameron sa mga pelikulang There’s Something About Mary, Bad Teacher, Sex Tape, My Bestfriend’s Wedding, at Charlie’s Angels. Ang huling pelikula niya ay ang Annie noong 2014.