(NI HARVEY PEREZ)

APRUBADO na ang aplikasyon sa  Witness Protection Program (WPP) sa  Department of Justice (DOJ), ng dalawang whistleblower sa  kontrobersiyal na “ghost dialysis” claim sa Philippine Health Insurance Corporation (PhilHealth) ng WellMed Dialysis Corporation sa Quezon City.

Ito ang kinumpirma ni Justice Secretary Menardo Guevarra na tanggap na sa  WPP sina Edwin Roberto   at Aileen Liezl de Leon.

Ayon kay Guevarra,90 araw lamang o provisional coverage lamang ang ibinigay ng  WPP kina Roberto at de Leon
habang hinihintay pa ang resulta ng imbestigasyon sa iba pang kinasuhan.

Nabatid na  sina Roberto at de Leon ay kasamang kinasuhan ni Bryan Sy,isa sa may -ari ng WellMed ng kasong complex  crime of estafa through falsification of  public document   ng DOJ sa Quezon City Regional Trial Court.
Gayumman,isasailalim pa sa preliminary investigation ng DOJ ang walong executive ng WellMed.