TINALAKAY sa isinagawang Information Drive ng Bureau of Customs Port of Clark, sa tulong ng Public Information and Assistance Division (PIAD), ang kahalagahan ng open communication, sa Quest Hotel, Clark Freeport Zone, Angeles City, Pampanga noong Nobyembre 15.

Dumalo sa nasabing okasyon sina CILA President Dr. Francisco Villanueva at Chairman Dr. Irineo Alvaro, kinatawan mula sa iba’t ibang CFZ locators, port users, Customs broker, processors at PEZA locators.

Pinangunahan ni Port of Clark District Collector Ruby Alameda ang okasyon sa pamamagitan ng kanyang welcome speech sa mga dumalo sa okasyon.

Kabilang sa mga ito ay sina Assistant Commissioner Atty. Vincent Philip Maronilla, PIAD Chief; AMO chief James Joven, at IAS Director Atty. Yasser Ismael Abbas.

Ipinaliwanag sa nasabing pagtitipon ang 10-Point Priority Program, Account Management Office processes at National Value Verification System (NVSS).

Layunin ng kanilang information drive ang buuin ang isang produktibong pangmatagalang relasyon at palaganapin ang open communication sa mga BOC stakeholder.

Inaasahang sa pama­magitan ng kanilang Info Drive na isinasagawa ng Port of Clark ay maabot nila ang kanilang monthly target collections. (Jo Calim)