(NI AMIHAN SABILLO)

HINDI dahil absuwelto sa Maguindanao massacre ay balik serbisyo na agad ang mga pulis na nasangkot sa malagim na pangyayari noong November 23, 2009.

Paglilinaw ito ni PNP Spokesperson PBgen Bernard Banac matapos ma-acquit ang nasa 30 pulis na akusado sa Maguindanao massacre nitong Huwebes.

Ayon kay Banac, magkaiba ang laki ng ebidensya na kinailangan sa criminal case proceedings at sa proceedings na ipinatutupad sa PNP.

Sa ngayon umano ay masusing pinag-aaralan ng PNP ang indibidual na case status ng mga pulis na nakalusot sa kasong kriminal nang sa gayon ay makagawa sila ng rekomendasyon sa kanilang reinstatement.

Samantala, muli namang tiniyak ni Banac na walang tigil ang kanilang paghahanap sa 80 iba pang akusado sa Maguindanao massacre matapos ipag-utos ng korte.