MATAPOS ang 7-game sweep ng Mighty Sports Pilipinas sa Dubai International Basketball Championship, kinukonsidera ngayon ng Samahang Basketbol ng Pilipinas (SBP) na ito ang ipadala sa William Jones Cup sa Hulyo.
Sinabi ni SBP official Ryan Gregorio, dahil sa tagumpay ng koponan sa Dubai tourney, nasa priority list nila ito ngayon para sa taunang Jones Cup.
“They have been supportive to the programs of the federation. It’s just overwhelming that they were able to win the Dubai Cup, the first ever for a non-Middle Eastern country. In the future tournaments we’re going to align with them, partner with them, to bring more trophies for the country,” wika ni Gregorio.
Aminado ang special assistant ni SBP president Al Panlilio na sa ngayon ay wala silang kongkretong plano para sa Jones Cup.
Ngunit dahil sa panalo ng team sa 2019 Jones Cup edition, at pagkopo nila sa Dubai tilt, kaya’t malaki ang tsansa na ang naturang team ang mag-represent muli sa bansa sa darating na torneo sa Hulyo.
“It has always been an option to bring brands to represent the country and the last time Mighty Sports represented the country. I think Jones Cup will happen middle of the year. We’ll see, there’s no concrete plans yet but they will always be a priority,” paliwanag ni Gregorio.
Na-sweep (7-0) din ng Mighty Sports ang Jones Cup noong nakaraang taon nang talunin ang Chinese Taipei Blue sa final game.
Ayon naman sa team owner ng Mighty na si Cesar Wongchuking, sa ngayon ay wala silang plano na mag-compete locally gaya ng Philippine Basketball Association (PBA) at mas gusto nila na i-represent ang bansa sa international tournaments.
“Mighty Sports joins tournaments by invitation. As of now we have no plans joining locally. Our plan is to represent the Philippines in international competitions. This is our objective,” giit ni Wongchuking.
274
