NANANATILING limitado ang inilalabas na detalye ng U.S. Navy sa kanilang counter part sa Pilipinas maging sa media hinggil sa ulat na pagbagsak ng isang U.S. Navy F/A-18F Super Hornet sa karagatang sakop ng Pilipinas.

Sa inisyal na ulat na nakarating sa punong himpilan ng Philippine Navy, matagumpay na naka-eject ang dalawang crew ng F18 fighter jets at na-rescue ng ang mga ito ng isang MH-60S Sea Hawk helicopter mula sa Helicopter Sea Combat Squadron 8 (HSC 8) na nakatalaga rin sa Nimitz class aircraft carrier Theodore Roosevelt.

Sinasabing naganap ang sakuna sa gitna ng nagaganap na “routine flight operations” noong Huwebes ng alas-10:00 ng gabi.

Hindi na nilinaw ng mga opisyal kung ano ang nangyari sa routine flight at kung bakit kinailangan na mag-eject ang piloto at weapons systems officer nito na umano’y kapwa nasa maayos nang kondisyon, ayon sa TR medical team.

“Big Stick” returned to deployment June 4 after it was sidelined for 10 weeks in Guam due to a COVID-19 outbreak that infected 1,273 sailors, more than 25 percent of the carrier’s crew, nakasaad pa sa ulat. (JESSE KABEL)