ISANG Mumbai, India inspired approach na garantisado ang tagumpay ang sinimulan ng  pagbabahay- bahay ng mga health workers na naghahanap ng mga may sintomas ng COVID 19.

Sinabi ni Presidential spokesperson Harry Roque na subok ang tagumpay ng house to house search na ginawa sa India na ginagawa na din dito sa bansa.

Aniya, ang inuuna sa ngayon ay ang mga lugar na may mataas na cluster ng Corona virus gayung hindi pa kakayaning gawing sabay- sabay sa kasalukuyan.

Sinimulan ang house to house approach sa nakalipas na dalawang linggong ipinatupad ang MECQ  at ayon kay Sec. Roque, maganda rin ang naging resulta nito.

“This is actually something that we followed or adopted from Mumbai, India, and it has proven to  be hugely successful in the two-week period that we piloted,” ayin kay Sec. Roque.

“It has been proven successful as well and it’s manageable. We may not be able to do it in all  barangays simultaneously but we certainly will start with the areas with the highest clusters of  COVID-19,” dagdag na pahayag nito.

Giit ni Sec. Roque na walang magiging papel ang mga pulis sa house to house search at tanging  mga municipal health officers, community nurses at barangay health workers lamang ang susuyod
sa mga bahay- bahay para maghanap ng mga symptomatic.

“The police will not have any business going on a house-to-house; it’s really health professionals.

It’s DOH; it’s the municipal health officers; it’s community nurses; it’s barangay health workers, and  they will just be, you know, going from house-to-house, looking for symptomatics,” ani Sec. Roque.

Kaya nga aniya ay walang dapat na ipag-alala ang publiko dahil ito aniya ay “purely health  initiative.”

Tiniyak ni Sec. Roque na itutuloy pa rin ang Project Code kahit nasa GCQ na ang MM.

“I-swab po natin ‘yung mga mayroong sintomas at ihihiwalay po natin ‘yung mga positibo. (CHRISTIAN DALE)