UMAPELA si Pangulong Rodrigo Roa Duterte sa mga private hospital na dagdagan ang hospital beds na laan para sa COVID-19 patients bunsod na rin ng patuloy na pakikipaglaban ng bansa sa coronavirus pandemic.
“What struck my attention is ito sana appeal to private hospitals to increase the number of beds dedicated to COVID patients. Kung sana ho madagdagan ninyo,” ayon kay Pangulong Duterte sa kanyang public address, Lunes ng gabi.
Ani Pangulong Duterte, kailangan ng pamahalaan ang suporta ng mga private hospital dahil sa patuloy na pagsirit ng COVID-19 cases sa bansa.
“Madagdagan lang ho sana ninyo because still the numbers are increasing.
The infections vary.
In some cases, and in some provinces or cities, there’s a fast recovery rate, while others are lagging behind, and probably this is because ‘yung prior infection na hindi na-detect during the height of the pandemic,” ani Pangulong Duterte.
“So mayroon pa hong mga naiwan, para ho makatulong talaga kayo sa bayan, I am appealing some for the country and for the people. Alam naman ninyo na hindi lang tayo ang tinamaan, so your help will go a long way,” dagdag na pahayag ng Pangulo.
Sinabi ng Pangulo na matatandaan ng mga Filipino ang tulong na kanilang matatanggap sa oras na matapos at lumipas na ang pandemya.
“Remember, everybody will remember someday that there was this great epidemic that passed by our lives and we were able to deal it with a lot of mutual help and tulong ng kababayan ,” ayon sa Pangulo. (CHRISTIAN DALE)
137 
