NAPATAY ng mga tauhan ng Philippine National Police – Anti-Kidnapping Group, na pinamumunuan ni P/BGen. Jonnel C. Estomo at mga elemento ng Western Mindanao Command, ang sub-leader ng Abdussalam kidnap for ransom group, nitong Miyerkoles sa Sitio Sahaya, Brgy. Mampang, Zamboanga City.

Ayon impormasyong ibinahagi nina Lt. Gen. Corleto Vinluan, Jr., commander ng Western Mindanao Command, at Gen. Estomo, target ng kanilang law enforcement operation si Samad Awang alyas Ahmad Jamal y Mara, pasado alas-12:30 ng madaling araw nang biglang bumunot ito ng baril.

“With their lives in danger, the apprehending team retaliated which resulted in the instantaneous death of Awang,” ani PNP-AKG Spokesman Major Ronaldo Lumactod.

Ayon kay Maj. Lumactod, ang napatay na leader ng Abdussalam group ay may ugnayan kay Abu Sayyaf Basilan base leader Fuiruji Indama, at nasa no. 25 KFRG wanted list ng PNP-PRO9 sa taong kasalukuyan.

Ang suspek ay sinasabing responsable sa pagdukot kay Joel Endino sa Ipil, Sibugay, Zamboanga City, at kina Gian Carlos Bossi at Kathy Casipong.

Bukod ito sa serye ng kidnapping incidents sa municipalities ng shoreline areas ng Zamboanga City.

Kasama ni PNP-AKG Mindanao Field Unit P/Lt. Col. Clarence Gomeyac sa nasabing operasyon ang mga operatiba ng 5th SAB-SAF, Special Action Force, Regional Mobile Force Battalion-9, Police Station-6, at Zamboanga City Police Office; at AFP’s Joint Task Force Zamboanga at Marine Battalion Landing Team 11.

Si Samad Away ay may warrant of arrest sa kasong paglabag sa Article 267 ng Revised Penal Code (serious illegal detention, kidnapping, and hostage taking) na inisyu ni Honorable Josefino Bael, presiding judge ng 9th Judicial Region, Regional Trial Court Branch 31 sa Imelda, Zamboanga Sibugay. (JESSE KABEL)