WALANG problemang naiulat at maayos na naisasagawa ang face-to-face classess para sa mga higher education institution partikular na sa hanay ng mga medical school.
Ayon kay Presidential spokesperson Harry Roque, batay sa huling pag-uusap nila ni CHED chairman Popoy de Vera ay wala naman itong nabanggit na nagkasakit sa mga medical student partikular sa UP-PGH.
“We have had authorization to conduct face-to-face classes among sa medical schools and allied medical professional schools. And I’m happy to report that UP-PGH was the first na pinayagan nating mag-face-to-face and as of the last time na nagkausap kami ni CHED Chair Popoy eh wala naman pong nagkasakit doon sa mga medical student ng UP-PGH,” anito.
Aniya, puwede ring sabihin na nasa proseso na ng pilot limited face-to-face ang higher learning institutions at pwedeng sabihing very good ang resulta nito.
“So, let’s just say that we are in the process of piloting limited face-to-face among higher learning institutions and so far it has given rise to very good results, pero at the same time we also have to monitor this sudden increase in number of covid cases,” aniya pa rin.
Magkagayunman, kinakailangan pa ring maging mapagbantay lalo na’t naitatala ang mataas na kaso ng virus. (CHRISTIAN DALE)
148 
