NANAWAGAN si Senador Grace Poe sa Land Transportation Franchising and Regulatory Board (LTFRB), Land Bank of the Philippines at Development Bank of the Philippines (DBP) na bawasan ang interest ng mga public utility vehicle (PUV) modernization loans bilang tulong sa naghihirap na mga driver at operator.

Ayon kay Poe, dapat ikonsidera ng nasabing mga ahensya ng pamahalaan na gawing apat na porsiyento na lamang sa halip na anim na porsiyento ang loan interest sa utang ng mga driver na tutugon sa panawagang modernisasyon sa mga pampublikong sasakyan.

“If we want to really help our public transport sector transition to PUV modernization, all support must be extended to our operators and drivers who have been among the hardest hit by the pandemic,” sabi ni Poe, chairperson ng  Senate public services committee.

Sa nasabing pagdinig, inireklamo ni Confederation of Drivers and Operators in Central Luzon Chairman Danilo Yumul ang mataas na singil sa interest rates sa pagkuha ng makabagong jeep dahilan upang hindi makapagdesisyon ang mga operator na kumuha nito. (NOEL ABUEL)