MATAPOS ang matagumpay na National Mountain Bike Trials sa Danao City noong nakaraang buwan, gaganapin naman ang PhilCycling National Trials for Road sa Hulyo 10 at 11 sa Clark Freeport and Special Economic Zone sa Pampanga.
“Competitive cycling’s been out for more than one and a half years now, but we’re back to racing, thanks to the private sector support and the government’s endearing effort to beat the pandemic through sports,” pahayag ni Philippine Olympic Committee (POC) at PhilCycling president, Rep. Abraham “Bambol” Tolentino.
Nauna rito, nakakuha ng ‘go signal’ ang PhilCycling mula sa Philippine Sports Commission at Central Luzon (Region 3) Regional Task Force, Office of Civil Defense, Department of Health, Philippine National Police, Province of Pampanga at Department of Tourism para sa dalawang araw na races sa bubble environment.
Itinakda ang Men’s and Women’s Individual Time Trial and Criterium sa Hulyo 10 at Road race sa Hulyo 11.
Lahat ng cyclists, race officials, staff, at mga makikibahagi sa dalawang araw na event ay sumailalim sa RT-PCR at Antigen tests, ayon sa inaprubahang health protocols ni POC Medical Director Dr. Jose Raul Canlas.
Ang mga race officials, organizers at staff ay tutuloy sa Quest Hotel Plus Conference Center, habang ang mga cyclists ay makauuwi agad matapos ang awarding ceremonies sa kanilang sinalihang events.
Magsisilbing start-finish venue ang Clark Parade Grounds ng 24.6 km for men at 18 km for women races.
161
