BINALAAN ng isang mambabatas ang sambayanang Pilipino na maging mapagbantay upang masigurong matutuloy ang 2022 elections sa gitna ng nagsusulputang senyales ng No-EL o no election.

“We should be very vigilant against devious schemes that could affect the elections as the future of our country is at stake here,” panawagan ni Bayan Muna party-list Rep. Carlos Zarate sa publiko.

Isa sa huling senyales na posibleng maging dahilan aniya para hindi matuloy ang eleksyon sa Mayo 9, 2022 ay ang kalagayan ng supply ng kuryente sa panahon ng halalan.

Ayon sa mambabatas, bagama’t sinabi umano ni Energy Secretary Alfonso Cusi na mayroon silang devised plans para maiwasan ang brownout sa halalan, hindi aniya ito ang reyalidad.

“For instance, large areas of Visayas and Mindanao are still without electricity due to Typhoon Odette. So, when will their power be restored?” tanong ng mambabatas.

Lalong nakababahala aniya ang statement ng National Grid Corporation of the Philippines (NGCP) na napakanipis ng supply ng kuryente mula Abril hanggang Hunyo 2022.

“This is serious as it is smack right in the middle of the election period. Added to that are the yellow alerts due to forced plant shutdowns, which already occurred last January 10 and 11,” ayon sa mambabatas.

“Despite Sec. Cusi’s statements, a stable power situation during the elections is still a question. These doubts also linger given that Sec. Cusi is also the head of a ruling party that appeared to be gravely sidelined in the coming elections,” dagdag pa nito.

Nauna nang iniulat ang pagkaka-hack umano sa server ng Commission on Elections (Comelec) na itinatanggi ng komisyon.

Pero bago ito, tinangka ni Cusi na palawigin ang paghahain ng certificate of candidacy (COC) matapos mawalan ng kandidato ang PDP-Laban.

Ayon sa mambabatas, matapos ang sinasabing hacking ay naghain ng last two minutes filing ng Charter Change (Cha-Cha) sa Kongreso at ngayon ay ang isyu sa supply ng kuryente sa bansa na lahat ang maaaring ikonekta sa senaryo ng No-El. (BERNARD TAGUINOD)