BINISITA ni Pangulong Ferdinand  Marcos Jr. ang puntod ng kanyang ama, si dating Pangulong Ferdinand Marcos Sr., sa Libingan ng mga Bayani (LNMB) sa Taguig City matapos ang pagdalo niya sa state funeral ni dating Pangulong Fidel V. Ramos.

Ito ang kauna-unahang pagkakataon na binisita ni Pangulong Marcos ang puntod ng ama mula nang manumpa siya bilang ika-17 Pangulo ng bansa noong Hunyo 30.

Huling binisita ni Pangulong Marcos ang puntod ng ama noong Mayo 11, dalawang araw matapos ang May 9 elections. Noong panahon na iyon, Siya ay presidential frontrunner.

Ang mga labi ni Marcos Sr. ay inilibing sa LNMB noong Nobyembre 18, 2016 o 27 taon matapos ang kanyang kamatayan.

Ang mga labi ni Marcos Sr. ay biniyahe mula sa Marcos Museum and Mausoleum sa Batac, hometown sa Ilocos Norte papunta sa LNMB. (CHRISTIAN DALE)