(JESSE KABEL/LILY REYES)

NAGPAMALAS ng bagsik ang Super Typhoon “Karding” na nanalasa sa northern portion ng Quezon at southern portion ng Aurora kahapon.

Sa ulat kahapon ng Pagasa, huling namataan ang bagyo sa layong 175 kilometers Silangan ng Infanta, Quezon at kumikilos pa-kanluran sa bilis na 20 kilometers per hour.

Taglay ng super typhoon ang lakas ng hanging aabot sa 195 km/h at pagbugsong hanggang 240 km/h.

Dahil dito, itinaas ang Tropical Cyclone Wind Signal Number 5 sa isla ng Polillo at extreme northern portion ng Quezon (partikular ang hilaga at gitnang bahagi ng General Nakar at northeastern portion ng Infanta).

Initaas naman ang signal number 4 sa Calaguas Islands; Southern portion of Aurora (San Luis, Dingalan, Baler, Maria Aurora); northern portion of Quezon (nalalabing bahagi ng General Nakar, nalalabing bahagi ng Infanta, Real); southeastern portion of Nueva Ecija (Gabaldon, General Tinio, City of Gapan, Peñaranda); eastern at central portions of Bulacan (Doña Remedios Trinidad, Norzagaray, San Miguel, San Ildefonso, San Rafael, Angat, City of San Jose del Monte); northeastern portion of Rizal (Rodriguez, City of Antipolo, Tanay, San Mateo, Baras); at extreme northern portion of Laguna (Famy, Siniloan, Santa Maria, Pangil)

Signal number 3 sa: central portion of Aurora (Dipaculao); southeastern portion of Nueva Vizcaya (Alfonso Castaneda, Dupax del Sur, Dupax del Norte); natitirang bahagi ng Nueva Ecija; Tarlac; Natitirang bahagi ng Bulacan; Pampanga; Zambales; Bataan; Pangasinan; Metro Manila; Natitirang bahagi ng Rizal; northern at central portions of Laguna (Mabitac, Pakil, Paete, Kalayaan, Lumban, Cavinti, Pagsanjan, Luisiana, Majayjay, Magdalena, Santa Cruz, Pila, Liliw, Nagcarlan, Victoria, Rizal, City of San Pedro, City of Biñan, City of Santa Rosa, Cabuyao City, City of Calamba, Los Baños, Bay, Calauan); northeastern portion of Cavite (Bacoor City, Imus City, Kawit, City of Dasmariñas, Carmona, Gen. Mariano Alvarez, City of General Trias, Rosario, Silang); northern portion of Quezon (Infanta, Real, General Nakar, Mauban); northern portion of Camarines Norte (Vinzons, Paracale, Jose Pangasinan, Capalonga).

Habang Signal number 2 sa: southern portion of Isabela (Dinapigue, San Guillermo, Echague, San Agustin, Jones); Quirino; Nalalabing bahagi ng Nueva Vizcaya; Benguet; La Union; Nalalabing bahagi ng Aurora; Nalalabing bahagi ng Cavite; Batangas; Nalalabing bahagi ng Laguna; central portions of Quezon (Calauag, Perez, Alabat, Quezon, Tagkawayan, Guinayangan, Sampaloc, Lucban, City of Tayabas, Lucena City, Pagbilao, Padre Burgos, Atimonan, Agdangan, Unisan, Plaridel, Gumaca, Lopez, Pitogo, Dolores, Candelaria, Sariaya, Tiaong, San Antonio, Macalelon, General Luna, Catanauan, Buenavista); nalalabing bahagi ng Camarines Norte; northern portion of Camarines Sur (Del Gallego, Ragay, Lupi, Sipocot, Libmanan, Pamplona, Pasacao, San Fernando, Pili, Minalabac, Ocampo, Tigaon, Cabusao, Magarao, Gainza, Canaman, Camaligan, Milaor, Naga City, Bombon, Calabanga, Tinambac, Siruma, Goa, Lagonoy, San Jose, Garchitorena, Presentacion, Caramoan, Sagñay) at Catanduanes.

Inilagay naman sa signal number 1 ang: southern portion of Cagayan (Tuao, Solana, Enrile, Tuguegarao City, Iguig, Peñablanca); nalalabing bahagi ng Isabela; southern portion of Apayao (Conner); Kalinga; Abra; Mountain Province; Ifugao; southern portion of Ilocos Norte (Nueva Era, Badoc, Pinili, Banna, City of Batac, Currimao, Paoay, Marcos); Ilocos Sur; Natitirang bahagi ng Quezon; northern portion of Occidental Mindoro (Abra de Ilog, Paluan, Mamburao, Santa Cruz) including Lubang Islands; northern portion of Oriental Mindoro (Puerto Galera, San Teodoro, Baco, City of Calapan, Naujan, Victoria, Pola, Socorro, Pinamalayan); Marinduque; Nalalabing bahagi ng Camarines Sur; Albay; Sorsogon; Burias Island; at Ticao Island.

Inaasahang lalabas sa Philippine Area of Responsibility ang Bagyong Karding sa Martes ng umaga.

Class Suspension

Inanunsyo rin kahapon ang suspensyon ng klase para ngayong Lunes sa mga lugar na hinagupit ng bagyo.

Ang mga LGU sa Metro na nagdeklarang suspendido ang klase sa kanilang mga paaralan ay ang: Caloocan City – all levels (public and private); Las Piñas City – all levels (public and private);

Mandaluyong City – all levels (public and private); City of Manila – all levels (public and private)

Marikina City – all levels (public and private); Muntinlupa City – all levels (public and private); Pasay City – all levels (public and private)

Pasig City – all levels (public and private); Parañaque City – all levels (public and private); Pateros – all levels (public and private); Quezon City – all levels (public and private); San Juan City – all levels (public and private); Taguig City – all levels (public and private).

Sa bahagi naman ng Calabarzon: Batangas province; Alitagtag – all levels (public and private); Cavite province; Dasmariñas City – all levels (public and private); Silang – all levels (public and private)Tagaytay City – all levels (public and private); Laguna; Calamba City – all levels (public and private); San Pedro City – all levels (public and private); Quezon province – all levels (public and private); Rizal – all levels (public and private).

Sa Central Luzon: Aurora – all levels (public and private); Bulacan: Bustos – all levels (public and private); Guiguinto – all levels (public and private) Malolos – all levels (public and private); Nueva Ecija: – all levels (public and private); Pampanga: Candaba – all levels (public and private); Angeles City – all levels (public and private); Tarlac province: Tarlac City – all levels (public and private); Ilocos Region: Pangasinan; Urdaneta City – all levels (public and private)

Aral kay Ondoy

Nagpaalala naman ang isang mambabatas na dapat gamitin ng mga otoridad ang aral na natutunan sa bagyong Ondoy noong 2009.

Ito’y sa gitna ng banta ng Supertyphoon Karding upang maiwasan ang matinding epekto nito hindi lamang sa buhay ng tao kundi maging sa mga ari-arian at imprastraktura.

Paalala ni House committee on disaster resilience chairman at Dinagat Rep. Alan Ecleo, “Simply remembering disasters is not enough, we need to institutionalize our learnings so that we can minimize the damage future typhoons will bring”.

“We have paid dearly for these lessons, with Ondoy last 2009, Yolanda last 2013, and Super Typhoon Odette just last year,” dagdag pa nito kaya hindi na aniya dapat maulit ito sa pagdating ni ‘Karding’.

Naalarma ang mambabatas matapos matuklasan sa organization meeting ng kanyang komite ang kawalan ng malinaw na proseso sa pagpopondo sa mga imprastraktura na sinisira ng mga bagyo tulad ng mga gusali at seawalls.

Ito aniya ang dahilan kaya malimit na hindi agad nagagawa ang mga imprastraktura na nasira ng bagyo kaya lalong nanganganib ang mga tao kapag nagkaroon ng panibagong kalamidad.

Pinaalalahanan naman ni Albay Rep. Joey Salceda ang publiko na maging handa sa paghagupit ni ‘Karding’.

Pinuna naman ng Kilusang Magbubukid ng Pilipinas (KMP) ang tila kawalan ng paghahanda ng gobyerno sa bagyong Karding na inaasahang magpapalugmok na naman sa mga magsasaka.

“The government is not doing enough to mitigate the risks and to prepare for the possible effects and aftermath of KardingPH. We see no sense of urgency from Malacanang, the agriculture, and social welfare departments, and other agencies in charge,” puna ni KMP chairman Rafael Mariano. (May dagdag na ulat si BERNARD TAGUINOD)