BIHASANG OPISYAL KAILANGAN NI PBBM SA DA

ITINUTURING na matibay na pundasyon at hudyat ng mga prayoridad ng bagong administrasyon sa pagpapalago ng agrikultura ng bansa ang pamumuno ni Pangulong Ferdinand ‘Bongbong’ Marcos Jr. sa Kagawaran ng Agrikultura.

Ito’y isa ring hudyat sa pag-unlad ng sektor na pinadapa ng COVID-19 pandemic at talamak na smuggling activities, ngunit ang Pangulo ay nangangailangan ng isang operations man sa Agriculture Department na titiyak sa pagkamit ng administrasyong Marcos sa adhikaing agriculture self- sufficiency at food security, ayon sa National Coalition of Filipino Consumers (NCFC).

Sinabi pa ng grupo, maaaring hindi na kailangang tumingin nang malayo ang Pangulo dahil may mga mapagkakatiwalaang opisyal sa DA na sa kasamaang palad ay hindi pinansin ng ‘pro-importation policy’ ni dating kalihim William Dar.

“Ang pagdadala o pagtatalaga ng ilang opisyal na taga-labas ay maaaring karapat-dapat, ngunit ang isang taga-loob na eksperto na at nauunawaan ang tunay na mandato ng departamento ay magiging mas mahusay at epektibo sa pagtamo ng seguridad sa pagkain ng mga Pinoy,” idinagdag pa ng grupo ng mga konsyumer.

Sa pagsusuri ng grupo, “ang kasalukuyang Undersecretary for operations na si Engr. Ariel T. Cayanan may fit the bill”, sabi ng NCFC, at idinagdag pa na ang opisyal ay namumuno rin sa National Rice at National Corn na mga programang nagpakita ng rekord ng pagtulak ng mga patakaran at estratehiya sa seguridad ng pagkain.
Naniniwala pa ang grupo na maaaring ginamit bilang ‘sacrificial lamb’ sa di-umano’y smuggling deal ang ilang opisyal ng DA para mapagtakpan ang mas malaking anomalya sa ahensya.

Ang mga programang National Rice and National Corn ay mahalaga sa kasapatan sa agrikultura at pagsisikap sa seguridad ng pagkain ng bansa.
Sa kapangyarihan at patnubay ng mas mababa kaysa sa Presidente mismo, si Cayanan, isa sa pinaka-matataas na opisyal sa DA ay madaling maisakatuparan ang bagong policy thrust ng Marcos administration na nagdaragdag ng pamumuhunan para sa mga magsasaka upang pasiglahin ang domestic agriculture productivity at self-sufficiency.

Upang makamit ang mga target na self-sufficiency ng pagkain, kailangan ng DA na magtrabaho ng dobleng oras dahil ang sapat na produksyon ng pagkain mula sa agrikultura at pagpapahusay sa value chain ng agrikultura ay mahalaga sa pagpapanatiling abot-kaya ang mga presyo ng pagkain sa panahon na ang mga pagtaas ng presyo ng gasolina ay lumilikha ng chain reaction ng pagtaas ng presyo.

Si Cayanan ay gumanap bilang Task Force Head sa panahon ng Quarantine period sa kasagsagan ng COVID-19.

Tiniyak niya ang daloy ng suplay ng pagkain mula sa mga lugar na pinagkukunan ng produksyon patungo sa mga konsyumer.

Tumayo rin siyang undersecretary na tinutukan ang Special Area for Agricultural Development program, isang lokal na pinondohan na programa ng DA na naglalayong makatulong maibsan ang kahirapan sa mga marginalized na sektor sa agrikultura at pangisdaan.

Naging National Project Director siya ng Philippine Rural Development Project (PRDP), isang programa na siyentipiko ang pagtatakda kung saan ilalagay ang mga infra project gaya ng FMR, PWS at CIS. Ito rin ang programa na tumutulong sa mga coop para sa pag-unlad ng kanilang pagnenegosyo.

59

Related posts

Leave a Comment