SISTERHOOD NG BULACAN AT STATE OF CALIFORNIA PINAGTIBAY

SISTERHOOD RELATIONSHIP BETWEEN BULACAN AND CALIFORNIA. Iprinisinta nina Bise Gob. Alexis C. Castro at Arch. Editha M. Fuentes, tagapangulo ng City Planning Commission ng City of Glendale, California, ang sipi ng SP Resolution No. 538-S’2023 na nag-aapruba at tumatanggap sa sisterhood partnership sa pagitan ng State of California at Pamahalaang Panlalawigan ng Bulacan sa isang programa na ginanap sa Marco Polo Hotel Ortigas Manila kamakailan. Makikita rin sa larawan sina Corina Tengco Bautista mula sa Bulacan Chamber of Commerce and Industry, Panlalawigang Tagapangasiwa Antonia V. Constantino, Filipino Architect at Urban Planner Arch. Felino “Jun” Palafox, at Gregorio Simbulan at Renato Simbulan mula sa Philippine Chamber of Commerce and Industry at iba pang mga head department ng Provincial Capitol. Kuha ni: ELOISA SILVERIO

LUNGSOD NG MALOLOS- Maaari nang makamit ng Pamahalaang Panlalawigan ng Bulacan at State of California ang benepisyo ng pagpapalitan sa larangan ng edukasyon, ekonomiya, at kultura sa pagpiprisinta ng dalawang panig ng resolusyon bilang suporta sa kanilang sisterhood relationship sa Marco Polo Hotel Ortigas, Manila kamakailan.

Noong Agosto 2023, ipinasa ng California Senate ang Senate Concurrent Resolution No. 57 na iniakda ni Senador Anthony Portantino na nagpapahayag ng imbitasyon sa Lalawigan ng Bulacan upang makiisa sa California sa isang sister state relationship upang mapayabong ang pag-unlad at mapabuti ang internasyunal na pang-unawa at mabuting kalooban sa pagitan ng dalawang rehiyon.

Inilahad ni Arch. Editha M. Fuentes, tagapangulo ng City Planning Commission ng City of Glendale, California, kung paanong nakakuha ng unanimous vote na “Yes” mula sa lahat ng senador na dumalo sa presentasyon ang panukalang batas.

“This recognition affirms the many contributions of the Filipino-Americans to the history of culture and achievements in California and the United States. We appreciate the chance to further our friendship and relationship with California and the Province of Bulacan. I look forward to the many years of the great sister-province relationship,” ani Fuentes.

Bilang tugon, ipinasa ng Sangguniang Panlalawigan ang SP Resolution No. 538-S’2023 na nilagdaan ni Gobernador Daniel R. Fernando at Bise Gob. Alexis C. Castro na nag-aapruba at tumatanggap sa partnership sa pagitan ng Bulacan at California.

Ayon kay Castro, ang kaganapan ay isang tunay na pagpapakita ng kanilang pagpayag na pasiglahin ang pagkakaunawaan sa isa’t isa sa mga inaasahang gawain sa loob ng mga larangan ng kalakalan at turismo at umaasa siya para sa patuloy na pagpapalitan ng mga ideya at mga natutunan sa pamumuno.

“With the leadership of our People’s Governor Daniel R. Fernando, together with the whole Provincial Council, our hopes are high that our international relations facilitate many developments in various fields,” anang bise gobernador.

170

Related posts

Leave a Comment