NAISULAT na ang kontrata sa pagitan ng Commission on Elections (Colemec) at Smartmatic para sa pagbili ng Automated Election System (AES) software, isang buwan bago ang awarding?

Sa nag-leak na dokumento hinggil sa contract agreement na may numerong CA21-02-014 at BAC Reference No. 04-2020EVCS, nakasulat ang “This Contract, made and entered into _____day of April 2021, in the City of Manila, Philippines, and between:

Tinatakan na lamang ng May 04, 2021 ang iniwang blangko sa nasabing kontrata na nilagdaan nina Comelec chairman Sheriff M. Abbas, Geraldin Guevara, chairperson, at “with approval and conformity ng Smartmatic USA Corp. nina Geraldin Guevarra at Filipinas S. Ordono, mga authorized signatory.

Pinirmahan ang nasabing kontrata sa harap nina Bartolome Sinocruz Jr. at Brenda Baraua bago inanunsyo ng Comelec ang awarding of contract noong Mayo 11, 2021.

Dahil dito, ilang impormante ang nagdududa na posibleng matagal nang ginawa at napirmahan ang kontrata dahil tugma ang petsang nakasasulat sa original text ng nasabing dokumento.

“Parang inihabol na lamang yung “May 04, 2021” para palabasin na sa petsang yun nagkapirmahan ng kontrata pero dun sa original text malinaw na nakasulat na “…day of April 2021, in the City of Manila, Philippines..,” ayon sa impormante.

Nagkakahalaga ang kontrata ng P452, 522, 321.43 na ibinigay sa Smartmatic na tanging naiwang bidder sa AES software para gamitin sa national at local election sa May 9, 2020 matapos iteknikal ng Technical Working Group (TWG) ng komisyon ang Pivot International, Inc. and Power Serve (PSI) Inc. Joint Venture.

Nadale ang PSI Joint Venture nang ireformat umano ng Comelec-TWG ang isinumiteng Write Once Read Many (WORM) SD card kaya hindi ito binasa ng Vote Counting Machines (VMC) ng Comelec.

Pinanindigan ng PSI Joint Venture na hindi dapat nireformat ang WORM SD Card dahil dito pumapasok ang boto na binilang mula sa municipal at cities board of canvassers.

Upang patunayan umano na depektibo ang WORM SD Card ng PSI Joint Venture, kumuha ang mga kinatawan ng TWG ng Worm card na ginamit noong mga nakaraang eleksyon, nireformat at binasa ng VCM.

“It must be stressed however, that the SD card supplied by the SBAC-TWG during the testing was clearly not a WORM card because it can be reformatted. Simply put, a true WORM SD Card such as the WORM SD Cards provided by the Joint Venture from its supplier Flexxon, should not and cannot be reformatted. To reiterate, WORM SD Card are unalterable, non-rewritable, and non-erasable ensuring dating integrity within the WORM SD Cards,” ayon sa isinampang kaso ng PSI Joint Venture.

Dahil dito, magsasampa ng “manifestation and verified complaint” ang PSI, Joint Venture laban sa mga miyembro ng SBAC and TWG members tulad nina Jeannie V. Florit; Allen Francis B. Abaya, John Rex C. Luadiangco, Jovencio G. Balinguit, Divina E. Blas Perez at Abigail Claire R. Carbero.

Inirekomenda ang pagsasampa ng “administrative complaint for grave misconduct serious dishonesty and conduct prejudicial to the best interest of service” ng PSI Joint Venture sa mga nabanggit. (BERNARD TAGUINOD)