INANUNSYO ni Commissioner Jaime Morente ng Bureau of Immigration (BI), nananatiling bukas ang kanilang mga opisina sa Metro Manila at kalapit na mga lalawigan tulad ng Laguna, Rizal at Cavite at patuloy ang operasyon sa pamamagitan ng skeleton workforce.
Sa public advisory ni Morente, sinabi niyang ang limitadong operasyon ng BI ay bilang pagsunod sa resolusyon ng Inter-Agency Task Force on Emerging Infectious Diseases (IATF) na naglagay sa NCR Plus area bubble sa ilalim ng general community quarantine with heightened restrictions.
Inatasan ng IATF ang lahat ng government offices sa nasabing mga lugar na magmantina ng skeleton workforce hanggang maximum na 50 percent ng kanilang operational capacity.
Sinabi pa ni Morente, ang BI main building sa Intramuros, Manila at ang kanilang satellite at extension offices sa NCR Plus ay nag-o-operate mula alas-8:00 ng umaga hanggang alas-5:00 ng hapon araw-araw.
Idinagdag pa ng hepe ng BI, nagpaalala siya sa publiko na ang may ‘registered and secured slots via the bureau’s online appointment system’ ang maaaring makipag-transact sa bureau’s main building sa Manila.
“We appeal to our clientele to bear with us as this appointment scheme is necessary to ensure strict social distancing and protect everyone from getting infected with the virus,” ani Morente.
Samantala, sinabi ni Atty. Carlos Capulong, BI port operations chief, na ang bureau ay nag-o-operate sa full capacity sa Ninoy Aquino International Airport (NAIA) para hindi makompromiso ang kanilang serbisyo sa mga biyahero.
Aniya, bagama’t ilang international flights ang apektado ngayon dahil sa ban ng pagpasok sa Pilipinas ng mga biyahero mula sa pitong bansa, inaasahan niyang posibleng tumaas nang kaunti ang flights sa susunod na mga buwan dahil sa paunti-unting pagbubukas ng hangganan.
“We are anticipating new batches of immigration officers to be deployed to our airports to ensure we have the adequate personnel to cope with this anticipated increase in the volume of international passengers,” dagdag pa nito. (JOEL O. AMONGO)
347 
