53 NEW COVID-19 CASES NAITALA SA CALAMBA

0

INIULAT ng Calamba City sa lalawigan ng Laguna na nakapagtala ang lungsod ng 53 bagong kaso ng COVID-19 noong Mayo 13.

Ito ay makaraang ideklara noong Huwebes ng gabi ni Pangulong Rodrigo Duterte na kasama ang mga lalawigan ng Laguna, Cavite at Rizal sa Rehiyon IV-A sa isasailalim sa General Community Quarantine (GCQ) with heightened restriction, kabilang ang National Capital Region o NCR Plus mula Mayo 15 hanggang Mayo 30.

Napag-alaman, 39 ang naitalang bagong gumaling sa lungsod at isa ang namatay.

Habang mayroong 1,449 aktibong kaso sa naturang lungsod kaya’t patuloy ang paalala at panawagan ng alkalde ng lungsod ng Calamba na si Mayor Justin Chipeco na tulungan siya at unawain ng mamamayan ang mga batas upang mabilis na malampasan ang krisis na kinahaharap.

“Tandaan ang kooperasyon ay mabisang solusyon. Kaligtasan, seguridad at kaayusan sa Calamba ay prayoridad,” pahayag ng alkalde.

Bagama’t bahagyang niluwagan ang classification, patuloy ang pagpapatupad sa guidelines ayon sa isinasaad ng Inter-Agency Task Force o IATF, sa Calamba, Laguna. (CYRILL QUILO)

Read More

SAYANG ANG MGA PUNO

0

HINDI ko masisisi ang mga taong tutol sa pagtatayo ng vaccination hub sa Nayong Pilipino sa Parañaque City dahil sayang ang mga punong kailangang putulin sa nasabing lugar.

Kahit pa sabihin natin na gagastusan iyan ng pribadong sektor, hindi pa rin nararapat dahil napakaraming gusali na puwedeng paglagyan ng vaccination site para mabakunahan ang mga taga-Metro Manila.

Maraming eskuwelahan na hindi nagagamit dahil distance learning ang sistema ng pagtuturo ngayon dahil sa COVID-19 pandemic. Sa katunayan, sa mga eskuwelahan isinasagawa ng mga Local Government Units (LGUs) ang bakunahan sa kanilang mga constituents.

Inooffer ng mga ­negosyante ang kanilang mga mall, convention centers, coliseum, mga gusali, para gawing vaccination sites kaya palagay ko sapat na ‘yun para makamit ang target na bilang ng mga taong dapat bakunahan.

Binigyan din ng kapangyarihan ang national government sa ilalim ng Bayanihan law na itake-over pansamantala ang mga pasilidad ng mga pribadong sektor para gamitin sa paglaban sa COVID-19.

Maraming golf course ang puwedeng itake-over ng gobyerno pansamantala para gamiting vaccination hub at kahit ang napakalawak na Batasan Pambansa complex ay pwedeng gamiting vaccination center.

Halos lahat din ng mga subdivision sa Metro Manila ay mayroong mga covered court na puwedeng gamiting vaccination site para hindi na lumabas ng kanilang lugar o barangay ang mga tao para magpabakuna.

Kung lahat ng assets na ito ng gobyerno at pribadong sektor ay gagamitin, mas ­maraming mababakunahan kumpara sa 10,000 na target araw-araw sa itatayong vaccination hub sa Nayong Pilipino.

So bakit kailangan pang magtayo ng vaccination hub na popondohan ng pribadong sektor? Kailan matatapos ang vaccination hub na itatayo eh kailangan na kailangan nang mabakunahan ang mga tao.

Anong gagawin sa pasilidad kapag natapos na ang bakunahan? Anong gagawin sa 250 milyong pisong halaga ng pasilidad? Sino ang gagamit nyan at para saan?. Saka magkano naman ang counterpart budget dyan ng mga tax payers?

Wala rin sa katuwiran ang sinasabi ng ilan na ‘ano ang mahalaga, ang buhay ng mga tao o ang puno na papatayin o ililipat sa ibang lugar para maitayo ang vaccination hub na “yan”.

Kung walang lugar talaga na pagdadausan ng bakunahan, okey isakripisyo ang mga puno dahil mas mahalaga ang buhay ng mga tao pero maraming pasilidad ang gobyerno at binigyan pa ng kapangyarihan ang national government na itake-over ang mga pribadong pasilidad para gamitin sa paglaban sa COVID-19 pandemic.

Alam ba ninyo kung ilang taon bago lumaki ang puno? Dekada po! Hindi porke ­nagtanim ka ng seedling ­ngayon eh kinabukasan o matapos lang ang ilang buwan ay magiging malaking puno na sila.

Bakit mo isasakripisyo ang mga punong yan kung mayroon naman ibang paraan at lugar na pagdausan ng vaccination program? Paano na lang ang greening program ng gobyerno (oo nga pala, nakakalimutan na ‘yan).

Saka sigurado bang may sapat na supply ng bakuna kaya kailangang magtayo ng mega vaccination hub? Eh ngayon nga limitado ang ­supply ng bakuna dahil may nagpabaya sa tungkulin eh.

Hindi rin overnight na ­maitatayo ang vaccination hub na ‘yan. Taon ang binibilang bago maitayo ang gusaling ­gagastusan ng P250 Million.

Hindi birong pasilidad yan at baka kapag natapos na ‘yan tapos nang mabakunahan ang 70% sa populasyon ng Pinas.

Read More

PUNA SA MABAGAL NA ROLL OUT NG COVID-19 VACCINES

0

NANGANGAMBA si Dr. Tony Leachon, dating miyembro ng COVID-19 task force na posibleng masayang lang ang ilang bakuna na dumarating sa bansa kung hindi agad ito maipamamahagi ng gobyerno sa dapat na pagbibigyan nito.

Ngayon pa nga lang na ‘di pa dagsa ang pagdating ng mga bakuna mula sa iba’t-ibang bansa ay mabagal na ang roll out nito, lalo pa kung sabay-sabay na ang pagda­ting nito sa bansa.

Ilan sa mga bakuna na dumarating sa bansa ay hanggang dalawang buwan lang ang itatagal hanggang expiration date nito.

Kaya kung hindi agad itong maipapamahagi ay baka masayang ito at mapaso lang.

Ayon sa nakuha ­nating info, itong huling Linggo ng Mayo hanggang Hunyo ay simula na ang pagdating ng milyun-milyong doses ng COVID-19 vaccines sa Pinas.

Kaya nababahala si Dr. Leachon na kung hindi magbabago ang istratehiya ng ­gobyerno sa roll out ng bakuna ay marami nito ang maabutan ng expiration.

Sa pagtaya, nasa 7 ­milyong COVID-19 doses na ang kabuuang dumating sa Pilipinas nitong mga nakalipas na buwan pero hanggang ngayon ay marami pa rin ang hindi naipamamahagi sa mga dapat pagbibigyan nito.

Pinuna rin ng marami ang online scheduling ng pagbabakuna na isang pahirap lang sa mga gustong magpaturok.

Ang mga ganitong style na ipinatutupad ng ilang Local Government Units (LGUs) ay lalo pang nagpapabagal sa bakunahan.

Bakit hindi raw gamitin ang mga health centers na matatagpuan sa mga barangay sa buong Pilipinas para sa pagbakuna?

Sila na mismo ang mag-ikot sa kanilang nasasakupang mga residente para sa pagbakuna.

Mas mainam pa ito kesa kukuha ng mga pribadong lugar para dun gawin ang maramihang pagbabakuna na pagkakagastusan pa ng gobyerno.

Posible rin pagmulan ng hawaan ng COVID-19 ang mga ginagawang mega vaccination sites dahil dadagsain ito ng maraming tao.

Mismo ang mga nanga­ngasiwa ng bakunahan ang nagiging dahilan ng mabagal na roll out at pagtuturok ng mga bakuna dahil sa hindi sistematikong paraan na ginagawa nila.

Sa mahigit 100 milyong populasyon ng Pilipinas hanggang kelan kaya mababakunahan ang 50% o kalahati nito?

Laging sinasabi ng ­gobyerno na dapat hanggang Disyembre ngayong taon ay magkaroon na ng herd immunity ang mga Pinoy dahil sa bakuna.

Mukhang suntok sa buwan at panaginip lang ang pahayag na ito.

Kung 200k kada araw ang mababakunahan sa buong bansa ay imposibleng maabot ang target na herd immunity sa Disyembre 2021.

Sa 200k kada araw na mababakunahan sa buong bansa ay aabutin lamang ito ng 1.4 milyong matuturukan ng COVID-19 vaccines mula Hunyo hanggang Disyembre 2021.

Paano nga naman magkakaroon ng herd immunity ang mga Pinoy na wala pa sa 1/4 ng mahigit sa 100 milyong populasyon ng Pilipinas ang mababakunahan hanggang Disyembre 2021?

Sa huling nakuhang info ng PUNA, sa ngayon ang buong bansa ay nakakapagtala pa lang ng mahigit sa 60k kada araw na bakunahan.

Kelan pala nila mababakunahan ang kalahati ng populasyon ng Pinas?

Aanhin pa ang bakuna, kung wala na ang babakunahan?

Sabi pa ni Dr. Leachon dati kakaunti pa lang ang ­dumarating COVID-19 vaccines ay mabagal na ang roll out, lalo pa ngayon na ­dadagsa na ito?

Mismo kasi ang mga ­opisyal ng Inter-Agency Task Force at mga nasa Local ­Government Units ay hindi nagkakasundo kung paano ang kanilang ­gagawing sistema para mapabilis ang distribusyon at pagtuturok ng mga bakuna sa mga nangangailangan.

Kung gusto nilang tularan ang bansang Israel na mabilis natapos ang kanilang bakunahan at nagkaroon na ng herd immunity ang kanilang mamamayan ay wag kayong mamili ng inyong tuturukan wag nyo rin pahirapan sa ­pagrehistro yung mga gustong magpabakuna na.

Isa pa, napakaliit ng populasyon ng bansang Israel kung ikukumpara sa mahigit 100 ­milyong mamamayan ng Pinas.

Kaya nga dapat ang mga nangangasiwa sa bakunahan ay maging triple ang bilis ng kanilang ginagawang trabaho para maabot natin ang herd immunity hanggang Disyembre 2021.

Kung hindi nila gagawin ito ay wag na tayong umasa pa na magkakaroon ng herd immunity ang Pinoy hanggang Disyembre 2021.

Kung si Pangulong Duterte ang masusunod ay mas gusto niyang matapos agad ang bakunahan.

Pero tila pasok sa kaliwang tenga, labas sa kanang tenga ang ginagawa ng mga opisyal sa kanyang mga sinasabi. Tigas ulo!

Report nila sa Pangulo lahat magaganda na taliwas naman sa totoong nangyayari.

Batu- bato sa langit, ang tamaan ay wag magagalit.

Yan po ang PUNA natin base sa ating nakikita.

Mas naniniwala po tayo base sa ating nakikita kesa sa mga sabi-sabi lang.

oOo

Para sa suhestiyon at reaksyon mag-email ­joel2amongo@yahoo.com at ­operarioj45@gmail.com o kaya magtext sa 0956-951-00-57.

Read More

UMIHI SA RILES TIMBOG SA BARIL

0

ARESTADO ang isang tambay makaraang madiskubreng may nakasukbit na baril nang sitahin dahil sa paglabag sa ordinansa nang umihi sa gilid ng riles ng tren noong Huwebes ng gabi sa Tondo, Manila.

Bukod sa kasong paglabag sa RO 1054 (urinating in public places), nahaharap din sa kasong paglabag sa RA 10591 (Comprehensive Firearms and Ammunition Act) ang suspek na kinilalang si Ricardo Rondina y Zabate, binata, ng #417 NBBN, Navotas City.

Batay sa ulat nina P/Cpl. Anjon Cruz, P/Cpl. Dued De Gala at Patrolman Sir Christian Joseph Pineda na isinumite kay P/Lt. Col. Harry Ruiz Lorenzo lll, station commander ng Manila Police District-Jose Abad Santos Police Station 7, bandang alas-9:30 ng gabi, habang nagsasagawa sila ng anti-criminality opperation sa nabanggit na lugar nang mamataan ang isang lalaki habang umiihi sa gilid ng riles na sakop ng Brgy. 155 sa Tondo.

Sinita nila ang suspek dahil sa paglabag sa ordinansa ngunit nang kapkapan ay nadiskubre ang .36 kalibreng baril sa baywang nito.

Bunsod nito, agad na dinisarmahan ang suspek at dinala sa himpilan ng pulisya. (RENE CRISOSTOMO)

Read More

NAGBENTA NG SHABU, NAKALABOSO

0

KALABOSO ang isang hinihinalang tulak ng ilegal na droga nang masakote sa buy-bust operation nitong Biyernes ng madaling-araw sa Valenzuela City.

Swak sa hoyo si Jayson Bernardo alyas “Itek”, 34, ng Bisig Road, Brgy. Bisig, ng lungsod.

Ayon sa ulat, ala-1:30 ng madaling araw nang isagawa ang operasyon laban kay Bernardo sa nabanggit na lugar.

Nakaiskor ng P300 halaga ng umano’y shabu sa suspek ang undercover cop na nagresulta sa kanyang pagkakadakip.

Nakumpiska mula sa suspek ang anim na gramo ng shabu na tinatayang P40,800 ang halaga, P300 pesos buy-bust money, P200 cash, cellphone at coin purse. (ALAIN AJERO)

Read More

MANAGEMENT NG GUBAT SA CIUDAD KINASUHAN NA

0

PORMAL nang inihabla ng pamahalaang lungsod ng Caloocan ang pamununuan ng Gubat sa Ciudad matapos na tumanggap ng mga bisita sa kabila ng ipinatutupad na Modified Enhanced Community Quarantine (MECQ), ilang araw na ang nakalilipas bagama’t bawal pang mag-operate ng recreational venues.

Kinasuhan ng paglabag sa Mandatory Reporting of Notifiable Diseases and Health Events of Public Health Concern Act (Republic Act [RA] 11332) at Ordinance Mandating the Strict Implementation of Social or Physical Distancing of People and Other Relevant Measures to Curb the Spread of COVID-19, ang pangulo ng resort na si Rodolfo de Guzman Jr. at ang general manager na si Aleli de Guzman.

Inihain ang reklamo via online sa City Prosecutor’s Office ni City Health officer Evelyn Cuevas, at ng pinuno ng Business Permits and Licensing Office (BPLO) na si Emmanuel Emilio Vergara.

Batay sa asunto, ang mga inihabla ay maaaring panagutin dahil sa paglabag sa Inter-Agency Task Force for the Management of Emerging Infectious Diseases (IATF) Omnibus Guidelines na may petsang April 15, 2021, kaugnay ng revised implementing rules and regulations ng RA 11332.

Magugunitang noong Linggo ay lumutang sa Internet ang larawan ng Gubat sa Ciudad sa Barangay 171, North Caloocan, kung saan halos puno ang pool ng mga lumalangoy at nang puntahan ng mga kawani ng BPLO ang resort ay nabulaga nila ang lagpas 500 bisita sa resort na kung hindi nagsisiksikan sa pool ay nagkukumpulan sa mga cottage at walang pakialam sa ipinatutupad na social distancing.

Nauna nang sinampahan ng kasong administratibo si Barangay 171 Chairman Romeo Rivera dahil sa umano’y kapabayaan nitong matyagan ang pagkukumpulan ng mga tao sa resort na bahagi ng kanyang nasasakupan.

Nakasaad sa mga panuntunan ng IATF na bawal ang operasyon ng recreational venues at indoor at outdoor tourist attractions kapag nakataas ang MECQ.

Hinimok na rin ng pamahalaang lungsod ang mga parokyano ng Gubat sa Ciudad na lumutant at sumailalim sa COVID-19 swab test.

Ayon pa sa City Hall, nagsagawa na rin sila ng contact tracing at testing sa mga bisita ng resort.

Ang multa para sa hindi makikiisa sa panawagang swab test ay hindi bababa sa P20,000 at hindi lalagpas ng P50,000, o pagkakulong ng hindi bababa sa isang buwan at hindi lalagpas sa anim na buwan, o pareho.

Nabatid naman mula sa Department of the Interior and Local Government, sa 496 bisita ng Gubat sa Ciudad sa nasabing araw, 108 pa lamang ang nakokontak at 72 na ang sumailalim at nagnegatibo sa COVID-19 swab test. (ALAIN AJERO)

Read More

2 LIDER NG SEX TRAFFICKING SYNDICATE, TIMBOG SA NBI

0

NADAKIP ng mga tauhan ng National Bureau of Investigation (NBI) ang dalawang lider ng sex trafficking syndicate na kumikilos sa National Capital Region (NCR) at karatig na mga lalawigan.

Sasampahan ng kaso ang mga suspek na sina Xiangce Kong at Ma. Angelica Belga Kong alinsunod sa nilabag nilang batas patungkol sa prostitusyon at human trafficking.

Sa isinagawang operasyon ng NBI, 20 Filipina ang nailigtas mula sa kuta ng sindikato sa mga lungsod ng Parañaque at Pasay.

Ayon sa NBI, ang mga babaeng nabawi sa mag-asawang Kong ay inilalako sa mga Chinese national na regular customers ng mga suspek.

Bukod sa NCR, ang operasyon ng sex trafficking syndicate ay umabot sa Rizal, Cavite, Laguna at Bulacan.

Umaasa ang NBI na tapos na ang ilegal na negosyo ng mag-asawa. (NELSON S. BADILLA)

Read More

‘SNOWBALL OF SUPPORT’ SA P10K AYUDA BILL

0

UMAASA si dating Speaker at Taguig City Congressman Alan Peter Cayetano na magkakaroon ng ‘snowball of support’ para sa isinusulong nila ng kanyang mga kasamang kongresista sa Back To Service na P10K Ayuda Bill sa Kamara.

Ito ay matapos magpahayag ng suporta sa naturang panukala si Parañaque 2nd District Rep. Eric Olivarez.

Sa isang panayam sa radyo, sinabi ni Olivarez na full support siya sa P10K Ayuda Bill ni Cayetano dahil kailangan ito ng sambayanang Filipino.

“Kung kaya ng budget bakit hindi para sa mga nangangailangan, kung kaya ng appropriation na i-budget po ‘yon para sa nangangailangan full support tayo doon,’ ani Olivarez.

Kaugnay nito, lubos ang pasasalamat ni Cayetano kay Olivarez at sa iba pang mga kongresista na aniya ay payag at sumusuporta sa panukala.

“May consensus naman talaga ang buong Pilipinas na kailangan ng P10K ayuda ang mga Pilipino at ito’y mabuti sa ekonomiya at ito ay mabuti sa pamilya,” pahayag pa ni Cayetano.

Nakiusap din ito sa mga kapwa kongresista na bilisan ang aksyon at suporta upang maibigay agad ang ayuda sa mga nangangailangan lalo na ang mga pamilyang nawalan ng kabuhayan at inilugmok ng pandemyang COVID-19.

Mahalaga aniya na maikasa na ang P10K ayuda upang agad maaksyunan ang pagbibigay ng iba pang stimulus package para sa ibang sektor ng lipunan.

”Kaya pakiusap ko sa lahat ng kongresista na gawin nating mabilis at i-explain natin sa Malakanyang na may pera naman at agad-agad na yung P10K ay maibigay at isunod naman ang iba pang stimulus gaya ng health, agriculture, tourism, education, at kabuhayan,” paliwanag pa ni Cayetano.

Ang P10K Ayuda Bill ay inihain ni Cayetano at ng Powerful BTS Group ng Kongreso noong February 2021. Sa halip agad talakayin ay isinama ito sa pagtalakay saBayanihan 3 ngunit hindi rin nabigyan ng halaga dahil mas isinulong ng Kamara ang pagbibigay ng P1K sa bawat Filipino.

Tinutulan ito ni Cayetano dahil maituturing aniyang limos ang nasabing halaga sa naghihirap na mamamayan.

Nauna nang nanawagan si Cayetano sa mga tao na pakiusapan at ligawan ang kanilang mga kongresista na sumuporta sa P10K Ayuda Bill. (CESAR BARQUILLA)

Read More

Heightened restrictions sa GCQ patuloy BAWAL PA RING MAMASYAL

0

(CHRISTIAN DALE)

INAPRUBAHAN ni Pangulong Rodrigo Roa Duterte nitong Huwebes ang rekomendasyon ng Inter-Agency Task Force (IATF) na ilagay ang National Capital Region (NCR), Bulacan, Cavite, Laguna at Rizal sa ilalim ng general community quarantine (GCQ) subalit patuloy na iiral ang heightened restrictions mula Mayo 15 hanggang 31, 2021.

Isinailalim din sa GCQ status mula Mayo 15 hanggang 31, 2021, ang mga lugar sa ilalim ng Cordillera Administrative Region, gaya ng Apayao, Baguio City, Benguet, Kalinga, Mountain Province at Abra; Cagayan, Isabela, Nueva Vizcaya sa Region 2; Batangas at Quezon sa Region 4-A; Puerto Princesa sa Region 4-B; Iligan City sa Region 10; Davao City sa Region 11; at Lanao del Sur sa Bangsamoro Autonomous Region in Muslim Mindanao.

Ang City of Santiago at Quirino Province sa Region 2; Ifugao sa Cordillera Administrative Region; at Zamboanga City sa Region 9 ay isinailalim naman sa modified enhanced community quarantine (MECQ) mula Mayo 15 hanggang 31, 2021.

Ang iba pang lugar ay isinailalim sa modified general community quarantine (MGCQ) hanggang sa katapusan ng buwan.

Ukol naman sa heightened restrictions sa NCR Plus, tanging ang essential travel na papasok at lalabas ng NCR Plus ang papayagan.

Mananatili namang operational ang public transportation.

“At such capacities and protocols in accordance with the Department of Transportation guidelines while the use of active transportation shall be promoted,” ang utos ng IATF.

Bukod dito, ang lahat ng indoor dine-in services sa NCR Plus ay kailangan na hanggang 20% venue o seating capacity habang ang outdoor o al fresco dining ay hanggang 50% venue o seating capacity.

Ang outdoor tourist attractions sa NCR Plus, sa kabilang dako ay maaaring buksan ng hanggang 30% lamang na may mahigpit na pagsunod sa minimum public health standards.

Pinapayagan din sa NCR Plus ang specialized markets ng Department of Tourism (DOT) kasunod ng minimum public health standards at implementasyon ng protocols at restrictions na itinakda ng DOT.

Ang religious gatherings at gatherings para sa necrological services, lamay, internment at libing maliban sa mga nasawi sa COVID-19 sa NCR Plus ay papayagan ng hanggang 10% ang venue capacity.

Gayundin, patuloy na pinapayagan sa GCQ areas na may heightened restrictions ang non-contact sports sa outdoor contact sports, games, scrimmages; at personal care services na aprubado para sa serbisyo na hindi nire-require ang mask removal, gaya ng salons, parlors, beauty clinics, na may hanggang 30% capacity.

Ang mga indibiduwal na may edad 18-65 ay maaari nang lumabas ng kanilang bahay sa GCQ areas na may heightened restrictions.
Samantala, ang mga entertainment venues, gaya ng bars, concert halls, theaters, at iba pa; recreational venues, gaya ng internet cafes, billiards halls, arcades, at iba pa; amusement parks, fairs, playgrounds, kiddie rides; indoor sports courts at venues at indoor tourist attractions; venues para sa meetings, conferences, exhibitions ay hindi naman papayagan sa ilalim ng “GCQ areas with heightened restrictions.”

Ang Interzonal travel mula NCR Plus areas, maliban sa mga Authorized Persons Outside Residence (APORs), ay mananatiling ipinagbabawal sa GCQ areas na may hightened restrictions.

Read More