TAAS-BUWIS SA PRIVATE SCHOOLS KINATIGAN NG PALASYO

0

SUPORTADO ng Malakanyang na taasan ang corporate income tax ng pribadong eskuwelahan.

Sinabi ni Presidential spokesperson Harry Roque, suportado ng Malakanyang ang posisyon ni Finance Secretary Carlos Dominguez II, na nanindigan sa naging desisyon ng Bureau of Internal Revenue (BIR) na magpatupad ng “higher” income tax sa mga private school.

Pinanindigan ni Dominguez ang BIR regulation.

Giit nito, sinusunod lamang ng BIR ang “original definition” ng Tax Code nang gawin nila ang bagong ruling.

“Nagsalita na ang ating kalihim na Secretary of Finance and we, of course, support the position of the Secretary of Finance, na ‘yung interpretasyon ng BIR doon sa non-profit schools na dapat 100% ng kinikita nila ay hindi napupunta sa any other purpose other than for the purpose of the school is pursuant to the CREATE law and pursuant to establish jurisprudence,” ang pahayag ni Sec. Roque.

Sinasabing, dalawa sa “largest associations” ng mga pribadong eskuwelahan kasama ang 31 colleges at universities, ang naghain ng petisyon sa Court of Tax Appeals (CTA) na humihiling na pahintuin ang BIR mula sa pagtataas ng kanilang corporate income tax ng 150%, at isa itong malinaw na paglabag sa Tax Code at sa Saligang Batas.

Nauna rito, nagbabala ang mga private school na mas marami pang nasa hanay nila ang mapipilitan magsara o magtaas ng tuition fee dahil sa “ill-timed” regulation ng BIR na taasan ang kanilang income tax rate ng 150%. (CHRISTIAN DALE)

Read More

KAUTUSAN NG CA HINGGIL KAY REP. VELOSO IPINASA NG PALASYO SA PNP

0

IPINAUBAYA na ng Malakanyang sa Philippine National Police (PNP) ang pagtugon sa naging kautusan ng Court of Appeals na alisin na sa “narcolist” ng gobyerno ang pangalan ni dating CA Justice at ngayo’y Leyte Rep. Vicente Veloso III.

Ang katuwiran ni Presidential spokesperson Harry Roque, ito’y lawful order mula sa korte maliban na lamang kung may aapela.

“We leave that for the PNP to comply with because that’s a lawful order from the courts, unless there will be an appeal,” ang pahayag ni Sec. Roque.

Sa ulat, kinatigan ng CA former Special Eighth Division ang petition for habeas data ni Veloso.

Inatasan ng CA ang respondents na sirain ang lahat ng mga dokumento, records, at impormasyon kung saan nakasaad ang pangalan ni Veloso sa March 14, 2019 narcolist.

Hindi rin anila dapat isama ang pangalan ni Veloso sa anomang “derogatory list” na bigong makasunod sa due process.

Naniniwala ang CA na ang naturang narcolist ay naging banta sa “right to privacy, liberty and security” ni Veloso.

Gayunman, nilinaw ng CA na ang habeas data privilege ay hindi balakid para sa paghahain ng reklamong kriminal laban kay Veloso sakaling may mabigat na ebidensya na magpapatunay na protektor umano siya ng sinasabing drug lord na si Kerwin Espinosa.

Si Veloso ay kabilang sa “narco-politicians” sa bansa na ibinunyag noon ni Pangulong Duterte. (CHRISTIAN DALE)

Read More

AKSYON AT TAGUMPAY DAPAT IPAGPUGAY

0

“LIVE your belief and you can turn the world around”, minsang sinabi ni Henry David Thoreau.

Ang nasabing pahayag ay puwedeng maging inspirasyon hanggang ngayon dahil sa napakagandang aral nito.

Kaya, malaki ang pasasalamat ko dahil habang isinasagawa ang aming ­programa sa radyo ay nailigtas namin ang isang OFW na anim na araw nang nagkulong sa kanyang kuwarto dahil siya ay tinangkang ibenta umano ng kanyang amo sa ibang employer.

Ang mabilis na aksyon ni Atty. Llewelyn Perez, Kuwait Welfare Officer ng Overseas Workers Welfare Administration (OWWA), ay naging inspirasyon sa amin dahil agad niyang tinawagan ang “distressed OFW” nating kababayan sa Kuwait nang mabatid niya ang kalunus-lunos na kalagayan ng nasabing OFW.

Mahusay ang OWWA sa Kuwait dahil walang tigil ang pagtulong sa mga Kabayani nating OFW na kailangan nang makauwi sa Pilipinas.

Kamakailan lang ay umabot sa 347 ang bilang ng mga OFW na napauwi nila sa Pilipinas.

Tagubilin ni Perez na lubos na mag-ingat ang ating mga Kabayaning OFW mula sa mga manloloko sa online na nag-aalok ng trabaho, o sideline na “immoral”.

Kaagapay ni Perez ang masipag ding si Labor Attache Nasser Mustafa dahil walang tigil ang pagtulong nito sa mga OFW.

Samantala, naghatid naman kami ng kapanatagan ng loob sa mga Kabayani nating OFW sa Bohol.

Sa imbitasyon nina Bohol Second District Rep. Aris Aumentado, Ubay Mayor ­Constantino Reyes at Buenavista Mayor Dave Duallo, nakadaupang palad natin ang mga Kabayaning hindi pa nakatatanggap ng ayuda at marami pang tanong sa gobyerno.

Nakalulungkot na malamang marami pa palang ­bayan sa Bohol ang hindi inabot ng mga impormasyon ukol sa ­programang “Tulong Puso”.

Ito ang dahilan kung bakit nagboluntaryo at gumagastos ang AKO OFW mula sa ariling bulsa nito upang tulungan ang OWWA sa pagpapalaganap ng mga impormasyon ukol sa mga programang maaaring matangap ng mga bagong bayani mula sa OWWA.

Sa kabilang dako, kaisa tayo sa tagumpay ng mga bayaning OFW katulad ni Nald Santos na kamakailan ay nagbukas ng sariling negosyo sa Lipa, Batangas.

Saludo tayo sa ibinigay na inspirasyon ng mga OFW tulad ng nasabing dating OFW na nagsikap hanggang sa nagpunyagi sa buhay para magkaroon ng sariling negosyo.

Malaking tulong ang grupong AKO OFW sa mga ganitong tagumpay ng ating mga Kabayani.

Read More

MACHO CHIQUITO NG BI, HAWAK NG ‘SINDIKATO’

0

SA kabila ng kaliwa’t kanang alegasyon ng korapsyon at pag-abuso sa kapangyarihan itong kawani ng Bureau of Immigration (BI) na binansagan nating “Macho Chiquito” ay tila “untouchable” kay mismong pinuno ng ahensiya na si Commissioner Jaime Morente.

Ipinarating sa Bistador ng mapagkakatiwalaang source na hanggang ngayon ay walang ipnag-utos si Morente na imbestigasyon laban kay alyas Macho Chiquito.

Ibinulong ng source sa ­Bistador na madalas na nakikita si Macho Chiquito na pumapasok sa Commissioner’s Office.

Habang naglalakad patungo sa tanggapan ni Morente ay halos pumutok umano ang bulsa nitong si Macho Chiquito.

Paglabas, hindi na raw maambok ang mga bulsa?

Hmm… Ano po kaya ang laman ng kanyang ‘mahiwagang’ bulsa?

Huwag pong masyadong malikot ang isip n’yo.

Malay natin, may baon si Macho Chiquito na underwear na “extra small” ang sukat.

Mayroong programa ang BI at ang Anti – Red Tape Authority (ARTA) na pinamumunuan ni Director General Jeremiah Belgica laban sa katiwalian at korapsyon sa BI.

Ngunit, bakit wala tayong nabalitaang pinaimbestigahan ni Morente si Macho Chiquito.

Kamakailan, bumisita ‘kuno’ ang opisyal ng ARTA sa BI, ­ngunit wala naman umano itong ginawa, kundi ang ­magpakyut sa ahensya, kasama ang mga tauhang mistulang “boy scout” pa sa larangan ng ­pag-iimbestiga sa katiwalian at korapsyon.

Natisod din ng Bistador na kasabwat umano ni Macho Chiquito ang ilang malalaking ‘handler’ ng Chinese nationals na sina alyas “Charlie” at “Huayi” sa pagbibigay sa kanya ng mga papeles upang hindi mailagay sa Blacklist ang mga umaalis na Chinese national sa bansa makaraang natapos ang kanilang visa upon arrival (VUA).

Tinalakay ko sa nakaraang kolum ko ang raket nitong si Macho Chiquito tungkol sa hindi paglalagay sa BI Blacklist ng mga pangalan ng mga dayuhang umalis na sa ating bansa.

Kasabwat pala ni Macho Chiquito ang ilang tauhan ng Immigration Regulation Division (IRD) na posibleng kasama sa sindikato?

Libu-libong salapi haggang P1 milyon ang pinag-uusapan sa ginagawa ni Macho Chiquito, ngunit bakit kaya hindi pinaiimbestigahan ni Morente si Macho Chiquito?

Pupuwedeng simulan ang imbestigasyon sa Statement of Assets and Liabilities Networth (SALN) upang malaman kung milyonaryo si Macho Chiquito, o hindi.

Aba, Commissioner Morente, sir, baka isipin ng mga empleyado ng BI na ­nakikinabang ka kay Macho Chiquito kung hindi mo siya ­paiimbestigahan.

Nagpapaalala lang po.

Abangan sa susunod ang ating pagbubunyag sa korapsyon umano nitong si alyas Macho Chiquito ng BI at ng kanyang mga kasabwat.

oOo

Para sa inyong Sumbong at Reaksyon, maari ninyo akong itext sa 09158888410.

Read More

PACQUIAO, ISKO BATIKUSIN N’YO LAHAT NG KAPALPAKAN NI DUTERTE

0

BINABATIKOS na ngayon ni Senador Emmanuel ­”Manny” Pacquiao si Pangulong ­Rodrigo dahil balak nitong tumakbong pangulo sa halalan sa Mayo 2022.

Dati, hindi binira ni Pacquiao si Duterte dahil solido ang suporta ng mambabatas sa pangulo.

Ngayon, pinuna ni Pacquiao si Duterte dahil “nakukulangan” ang una sa aksyon ng pangulo laban sa pagpasok, paglalayag at pagtambay ng mga barko ng China sa West Philippine Sea (WPS).

Kung tutuusin, napakababaw ng pahayag ni Pacquiao kay Duterte, pero tila nabuwisit na ang boksingero sa pangulo.
Pinitik lang ni Pacquiao si Duterte.

At nagawa ito ng boksingero dahil napagtanto niya ang katotohanang hindi siya ang ­magiging pambato ng ­administrasyon, partikular ng Paritdo Demokratiko Pilipino – Lakas ng Bayan (PDP – Laban), sa pagkapangulo sa eleksyon.

Ambisyon lang talaga ni Pacquiao na napakalinaw na pawang personal na interes ng boksingero ang dahilan kung bakit pinitik niya si Duterte.

Pokaragat na yan!

Hindi tayo ipinanganak kahapon upang hindi maintindihan ang ganitong batayan ni Pacquiao.

Kahit si Manila Mayor Isko Moreno ay nakaugnay din sa kanyang ambisyong maging pangulo ng Pilipinas mula 2022 hanggang 2028 ang tanging batayan kung bakit niya sinaltik si Davao City Mayor Sara Duterte – Carpio.

Pokaragat na ‘yan!

Ito kasing mga politikong sina Albay Rep. Joey Salceda at dating Camarines Sur Rep. Rolando Andaya Jr. ay ­ipinarating sa publiko na siguradong tatakbo si Sara D. Carpio sa pagkapresidente.

Ipinunto ni Moreno na hindi dapat ipinamamana ng ama ang pinakamataas na posisyon ng Pilipinas sa anak.

Maliban diyan, mayroong lumabas na balitang dumidistansiya na si Moreno sa pamilya Duterte.

Iyan ay dahil lang sa ambisyon ni Moreno na maging pangulo.

Muli, hindi tayo ipinanganak kahapon upang hindi maunawaan ang ganyang desisyon at aksyon ng politikong tulad ni Moreno.

Wala namang masama na punahin ang mag-amang Duterte kung nararapat silang punahin.

Ngunit, kung pupunahin nina Pacquiao at Moreno, o kahit sinong politiko, ang sinoman sa dalawang Duterte ay birahin nila ang mga kapalpakan ng mag-ama, lalo na ang matandang Duterte na siyang pangulo ng bansa.

Upakan ninyo kung ­kumbinsido kayong bigo ang administrasyong Duterte sa maraming suliranin ng Pilipinas na ipinangako niya noong 2016 na lulutasin niya.

Sabi pa ng campaign slogan ni Duterte: “Change is coming!”

Pokaragat na ‘yan!

Bigwasan nina Pacquiao at Moreno ang kabiguan ni Duterte na sugpuin ang katiwalian at korapsyon, tuldukan ang iligal na droga, tapusin ang ­kontraktuwalisasyon sa mga manggagawa, labanan ang China sa isyu ng WPS, kapus na pagmamalasakit sa mga batayang masa at napakarami pang iba.

Read More

Saso, Obiena pinalakas ang tsansa ng bansa sa kauna-unahang Olympic gold medal

0

SINO ang nagsabing naghihingalo na ang ­Philippine sports at malapit nang pumanaw?

Ilang kaganapan nitong nakaraang linggo ang nagpatunay na ang resulta ng pagsusuring ginawa ng ilang sektor ay walang katotohanan.

Sa ngayon!

Una, isang napakalaking karangalan ang naihandog ng Filipina-Japanese golfer na si Yuka Saso nang makoronahan siyang kampeon ng U.S. Women’s Open noong

Linggo (Lunes sa Maynila) sa Lake Course ng Olympic Club sa San Francisco, California.

Kauna-unahan niyang panalo ito sa LPGA Tour na nag-akyat sa kanya mula sa ranggong pang-22 ng International Golf Federation Olympic qualifiers tungo sa pang-siyam, na lalong nagpalakas sa tsansa ng tubong San Ildefonso, Bulacan na makapasok sa XXXII Games of the Olympiad na idaraos sa Tokyo simula sa susunod na buwan.

Nagpalakas din ito sa tsansa ni Yuka na makapagbigay sa bansa ng kauna-unahang gintong medalya mula sa Olimpiyada lalo’t halos pawang mga beterano ang tinalo niya sa Tour. Kaya sa opinyon ng kolumnistang ito, ibinibilang ko na ang batambatang (19-anyos) si Saso na kahanay ng boksingerong si middleweight Eumir Marcial na may kakayanang pawiin ang pagkauhaw ng bansa sa Olympic gold medal na 96 taon na nating pinapangarap.

Animnapung lalake at babaeng parbuster ang may nakalaang upuan sa golf sa Olimpiyada, kabilang ang teammate ni Saso sa 2018 Asian Games gold medal win sa team golf na si Bianca ­Pagdanganan na nasa ika-41 ranggo.

Isa pang atletang Filipino, ang pole vaulter na si Ernest John Obiena ay bumulusok din mula kung saan at napabilang sa mga paboritong makapag-uwi ng Olympic gold medal matapos niyang talunin ang defending Olympic champion na si ­Thiago Braz de Silva ng Brazil sa isang kompetisyong idinaos sa Sweden noong nakaraang linggo.

Nito lamang Lunes ay nakamit ng 25-anyos na batang Tondo ang silver medal sa kompetisyong idinaos sa the Netherlands makaraang taluning muli si Braz. ‘Di naman siya nakalusot kay world record holder Armand Duplantis ng Sweden na nag-uwi ng gold.

Bukod sa pag-akyat sa IGF Olympic ranking sa kanyang pag-uuwi ng higanteng Harton S. ­Semple trophy, malamang na makuha rin ni Saso ang ­unang puwesto sa highest earner ng season sa kanyang premyong $1 milyon.

Bago matapos ang buwang ito pa ipahahayag ng IGF ang mga lulusot sa Olimpiyada.

Ipinahayag ni Saso na ang pagwawagi niya ng kanyang unang LPGA Tour ay hindi garantiya na mapapanalunan din niya ang Olympics gold.

“First, it doesn’t mean I’ve won this, I can win a gold in the Olympics,” ani Yuka sa panayam ng mga miyembro ng Philippine media via online noong Miyerkoles. “I still have to work on it, there are a lot of tournaments coming up. I just have to get back to work and focus on the next tournament, and let’s see what’s going to happen in the Olympics.”

Ang golf ay ibinalik noong 2016 Rio de Janeiro Olympics mula noong 1908 na pinaglabanan ito sa St. Louis, USA Olympics. Nakatakdang ganapin ang golf sa Hulyo 28 hanggang Agosto 8.

Ang dalawang beses na awardee ng karangalang “Athlete of the Year” ng Philippine Sports Association ay nagsabi na ang panalo niya sa U.S. Women’s Open ay inaalay niya sa kanyang pamilya at sa Pilipinas. “I think it’s very special for me and my family.”

Si Yuka ay anak ng Hapones na si Masakazu Saso na nagturo sa kanya ng golf, at Bulakenya na nagngangalang Fritzie.

“I’m happy I won the tournament, but most importantly I’m thankful to my family. They’ve been there since the start… that made me emotional. This is just the start… also for the country I think it’s a good win. But it doesn’t stop here. I hope we can get more,” sabi pa niya.

Read More

Sa operasyon ng jueteng sa Cavite ROLETA NG BAYAN GAMIT NI ‘JOHN YAP’

0

(NELSON S. BADILLA)

TOTOONG namamayagpag ang jueteng empire ng isang alyas “John Yap” sa Cavite.

Tiniyak ito ng mapagkakatiwalaang source ng SAKSI Ngayon.

Ngunit, hindi halata dahil ang gamit ng jueteng ng nasabing John Yap ay “Roleta ng Bayan”.

Sa ibang salita, puwedeng sabihing “prente” ang roleta ng bayan.

Tinuran ng source na malaking kalokohang roleta ang gagamitin ng nagpapajueteng para ikasa ang operasyon nito sa mga lungsod at bayan ng Cavite, samantalang napakalawak ng lalawigang ito.

Sa sobrang lawak ng Cavite ay pinaniniwalaang napakaraming butas ang jueteng empire ni alyas John Yap.

Dahil dito, sobrang sipag ng mga ‘kapartner’ ng nasabing Yap sa pagtiyak na hindi magugulo o hindi guguluhin, ng mga pulis at mga barangay ang malawak na jueteng empire ng binabanggit na alyas John Yap.

Ang mga sinasabing kasosyo ni Yap ay sina “Zalding”, “Caloy”, at “Elwin”.

Ang tatlong ito ay ‘beterano’ na sa jueteng at iba’t ibang klaseng ilegal na sugal tulad ng saklang-patay, mga ilegal na sugal sa perya at maging ang mga tinatawag na ‘sugal – lupa’ gaya ng drop ball.

Kilalang-kilala ang pangalan at mukha ng tatlong ito ng mga pulis sa Cavite, kabilang na iyong ilang mga nakadestino sa Criminal Investigation and Detection Group (CIDG) hanggang sa headquarters ng Philippine National Police (PNP) ng Rehiyong Calabarzon (Cavite, Laguna, Batangas, Rizal at Quezon).

Kaya naman, sila ang kinuha ni alyas John Yap nang pasukin n’ya ang Cavite habang ang nakaupong hepe ng PNP-Calabarzon ay si Direktor Vicente Danao Jr., habang si Colonel Marlon Santos naman ang provincial director ng PNP sa Cavite.

Hindi naman makumpirma ng source ng SAKSI Ngayon kung alam ni Gobernador Juanito Victor “Jonvic” Remulla Jr. na prente ng jueteng ni alyas John Yap ang Roleta ng Bayan.

Pero, tiyak nakarating sa administrasyon ni Remulla na mayroon pa ring mga astig na gambling lord na nagnenegosyo ng ilegal na sugal sa Cavite.

Kung ipag-uutos ni Remulla kay Santos na kumilos laban sa jueteng empire ni alyas John Yap ay asahang kikilos ang nasabing hepe ng pulisya ng lalawigan.

Ngunit, kung talagang masipag, tapat at seryoso sa trabaho, tungkulin at obligasyon sa PNP, bansa at mamamayan si Colonel Santos ay hindi na kailangang utusan pa ito ni Remulla upang mapatigil ang napakalawak na jueteng operation ni alyas John Yap.

Hindi na rin kailangang ipatawag ng bagong hepe ng PNP-Calabarzon na si Brig. Gen. Eliseo DC Cruz si Colonel Santos.

Read More

DEATH PENALTY IBABALIK NI DUTERTE

0

MULING nanindigan si Pangulong Rodrigo Roa Duterte para sa pagbuhay ng parusang kamatayan.

Giit ng Pangulo, basta’t karumal dumal na krimen lalo na’t ginawa ang krimen sa mga inosente sabi ng Pangulo ay dapat pang na maibalik ang capital punishment.

Aniya, hindi naman pinawalang saysay kundi sinuspinde lamang ang death penalty.

“I have always been for the restoration of the death penalty. Wala man — the law was — I think the law was not abrogated, suspended lang. So wala. Sinuspend (suspend) lang ‘yong mga — just ‘yong the act of killing a criminal,” ayon sa pangulo.

“Ako, basta heinous crime, heinous crime, drugs tapos ‘yong nangyayari ng — sabi mo ‘yong the atrocities committed against so many innocent persons. Iyong bata diyan sa Makati na kinatay, ipinako pa diyan sa kawayan,” dagdag na pahayag ng Pangulo.

Sa kabilang dako, sinabi naman ng Punong Ehekutibo na hanggang ngayo’y hindi pa rin maintindihan ng human rights ang sitwasyon lalo na ng mga pulis na kailangang depensahan ang kanilang mga sarili laban sa mga kriminal.

Binigyang diin ng pangulo na hindi drama lang ang panlalaban at pang-aagaw ng baril ng ilang mga nahuhuling kriminal na nuong alkaade pa lamang siya’y tatlo niyang mga pulis ang nalagas dahil sa ganitong mga insidente. ( CHRISTIAN DALE)

Read More

GCQ SA NCR PLUS MULA HUNYO 16

0

MALAKI ang posibilidad na bumaba sa general community quarantine (GCQ) with relaxed restrictions ang NCR Plus matapos ang Hunyo 15.

Ang basehan ani Presidential spokesperson Harry Roque ay ang bumubuting situwasyon ng COVID-19 sa lugar kabilang na ang “low” hospital care utilization rate.

“For Metro Manila, the numbers are looking good. The hospital care utilization remains very low, we’re at 53 percent in ICU beds which is isa sa mga importanteng factor for escalation,” ayon kay Sec. Roque.

“So I would say in fact that based on the figures, Metro Manila Plus might be looking at a deescalation. It might not be to MGCQ [modified GCQ] but it could be ordinary GCQ because ang GCQ natin ngayon ay meron pang mga restrictions,” dagdag na pahayag nito.

Ang NCR na kinabibilangan ng Metro Manila, Rizal, Bulacan, Cavite, at Laguna ay nananatili sa ilalim ng GCQ with restrictions hanggang June 15.

Bago pa ito, ang NCR Plus ay sumailalim sa GCQ “with heightened restrictions” mula May 15 hanggang May 31 kung saan ang galaw ay limitado sa essential travel habang ang indoor dining services ay bumaba sa 20 percent capacity.

Ang mga establisimyento na mayroong leisure-like venues para sa mga meetings ay nauna nang pinagbawalang magbukas. (CHRISTIAN DALE)

o0o

PALASYON KUMPIYANSA
SA PAGBANGON NG EKONOMIYA

KUMPIYANSA ang Malakanyang na makababawi ang ekonomiya ng bansa sa taong ito.

Sinabi ni Presidential spokesperson Harry Roque, tatlong bagay ang kanilang pinanghahawakan para sa pagbawi.

Ito aniya ay ang pagkontrol sa virus para makapagbukas na ang mga negosyo, paggamit ng fiscal at monetary policies na umaabot hanggang 2.7 trillion at ang pagpapabilis ng pagbabakuna.

“At dahil nga po dito sa three-pronged strategy na ito ay tingin ko makakabawi tayo bagamat kagaya po ng sinabi ng World Bank, hindi siguro kasing bilis ng inaasahan natin noong ating plano dahil noong nagplano po tayo, hindi natin akalaing mag-e-ECQ tayo at MECQ tayo sa ganitong kahabang panahon,” aniya pa rin.

Sa kabilang dako, hindi na naman kinontra pa ng Malakanyang ang forecast ng World Bank na baka umabot lang sa 4.7% ang gross domestic product ng Pilipinas.

Ani Sec. Roque, hindi naman kasi inakalang mag-e-ECQ at MECQ ang pamahalaan sa ganitong kahabang panahon. (CHRISTIAN DALE)

Read More