Batas ikinasa sa Senado LIBRENG COVID TEST SA JOBSEEKERS

0

NAGHAIN si Senador Sonny Angara ng panukalang batas na magbibigay ng libreng COVID-19 test sa lahat ng naghahanap ng trabaho bilang pagpapasigla sa ekonomiya.

Sa pahayag, sinabi ni Angara na maraming problemang kinahaharap ang walang trabaho kaya nahihirapan silang makatugon sa pangangailangan ng bagong empleyo kabilang dito ang negatibong resulta ng COVID test sa credentials na kanilang isusumite.

“For jobless breadwinners, it is choosing between two sacks of rice or a RT-PCR swab,” ayon kay Angara na tumutukoy sa P3,500-P5,000 halaga ng COVID test.

“It is a big start-up cost for people who are at the end of their ropes,” giit pa ni Angara.

Sinabi ni Angara na katumbas ng kalahating buwang sahod ng ordinaryong manggagawa ang presyo ng RT-PCR kabilang ang halaga ng pagpunta sa testing site.

Aniya, kahit tinatanggap na ang aplikasyon sa online, sangkot pa rin sa proseso ng pangangalap ang face-ta-face interviews o aktuwal na demonstrasyon ng trade skills na kailangan mayroon kang negatibong resulta ng COVID tes bilang gate pass.

“Kung luluwas ka sa isang lungsod, minsan kailangan yang negative result as gate pass. Kahit na sabihin na online ang application, kadalasan may face-to-face interview na kasunod, o kaya actual demonstration ng skills,” aniya.

Sinabi pa ni Angara na nakita na niya ang data sa COVID test wall kaya bantulot ang karamihan na maghanap ng trabaho.

Kahit na hindi pinapayagan ng gobyerno na dapat mayroon kang COVID-19 testing bilang pangangailangan sa job application, nagrereklamo ang marami na may ilang employer ang naghahanap nito sa pre-employment.

Dahil dito, napilitan si Angara na maghain ng isang panukala upang gawing libre ang COVID-19 testing sa lahat ng jobseekers, na tinawag niyang “pangangailangan sa employment stimulus.”

Sa ilalim ng panukala, aakuin ng Philippine Health Insurance Corporation (PhilHealth) ang halaga ng testing.

Dapat tiyakin ng DOH katulong ang Department of Interior and Local Government, Department of Labor and Employment at Department of Trade and Industry na maibibigay ang COVID testing nang libre na mamanatili hanggang may pandemic national emergency. (ESTONG REYES)

Read More

ILOG-PASIG PASOK SA WORLD’S TOP PLASTIC POLLUTER

0

LABIS na ikinalungkot ng Malakanyang ang pagkakasama ng Ilog Pasig at 18 iba pang ilog sa bansa sa listahan ng ‘World’s Top Plastic Polluter’.

Sinabi ni Presidential spokesperson Harry Roque, ang ganitong usapin ay hindi aniya dapat ipagmalaki.

“Well, nakakalungkot po iyan, that is not something na we should be proud of. Dati nga po ay mayroon pa tayong komisyon just on Pasig River, pero wala ring nangyari,” ani Sec. Roque.

Para sa kanya, talagang kinakailangan na ipatupad ang existing laws, ipatupad ang obligasyon ng mga water concession agreements na magkaroon talaga ng wastewater treatment at ipatupad ang pagbabawal sa pagtatapon ng kahit anong nakasisira sa kalikasan sa Pasig River.

“It is a test of our law enforcement capability ‘no, pero ito po ay problema nga that has existed for many, many years now ‘no. Pero I’m hoping that with this badge of dishonor eh baka po maging radikal din ang mga hakbang na gagawin ng ating gobyerno para malinis na once and for all, iyang Pasig River na iyan,” ayon kay Sec. Roque.

Batay kasi sa pag-aaral na isinagawa ng Ocean Cleanup, isang non-profit organization, na tumututok sa paglilinis ng mga karagatan sa pamamagitan ng pag-develop ng teknolohiya upang maalis ang mga polusyong plastic sa mga anyong tubig na kabilang ang Ilog Pasig at 18 iba pang ilog sa bansa sa listahan ng ‘World’s Top Plastic Polluter’.

Sa pag-aaral na isinagawa ng Ocean Cleanup, nabatid na 20% ng 80% na plastic pollution sa buong mundo ay mula sa Pilipinas.

Mula sa 1,656 na ilog na minomonitor na itinuturing din na plastic waste contributor, 466 ay mula sa bansa.

Ayon sa grupo, aabot sa 356,371 metriko toneladang plastic ang nakokolekta sa mga ilog sa buong mundo, kada taon.

Sa nabanggit na bilang, 63,000 tonelada ang mula sa Ilog Pasig. (CHRISTIAN DALE)

Read More

Resulta ng 2 araw na brownout PH NALUGI NG P116-M

0

INIHAYAG ni Senador Sherwin Gatchalian na umabot sa P116 milyon ang nalugi sa ekonomiya sa franchise area ng Meralco lamang sanhi ng 2-araw na rotating brownout sa Luzon grid noong nakaraang linggo.

Sa kanyang opening remarks sa ginanap na imbestigasyon kung bakit nagkaroon ng preventive shutdown sa ilang planta, sinabi ni Gatchalian noong nakaraang Mayo 31 at Hunyo 1, nagkaroon ng rotational brownout sa maraming bahagi ng bansa na lubhang naapektuhan ang aabot sa 705,000 customer sa loob ng 2 araw.

“Sa franchise areas lamang ito ng Meralco,” ayon kay Gatchalian.

“We ran estimates, we valued [that] the two-day loss equated to P116 million in economic losses. This is only taken within the Meralco franchise, [we’re] not even talking about the economic losses experienced by the electric coops,” dagdag niya.

Pinakamalaking electricity distributiong company ang Meraclo na may franchise area na 9,685 square kilometers na sumasakop sa 36 lungsod at 75 munisipalidad kabilang ang Metro Manila at lahat ng lalawigan ng Rizal, Cavite at Bulacan, at bahagi ng Pampanga, Batangas, Laguna at Quezon.

Naranasan ang rotating brownouts ng mga power consumer sa Luzon noong nakaraang linggo matapos ipatupad ng National Grid Corp. of the Philippines ang manual load dropping upang mapanatili ang integridad ng kanilang sistema dahil kapos ang suplay ng enerhiya sanhi ng unplanned outages ng ilang power plants habang mataas ang konsumo.

Hiningi ng Department of Energy (DOE) ang tulong ng Energy Regulatory Commission (ERC), Philippine Competition Commission (PCC), at Department of Justice (DOJ) sa posibleng sabwatan ng generation firms.

Ayon kay Gatchalian na higit kailangan ngayon ang tuloy-tuloy na suplay ng enerhiya dahil nagsimula nang umangkat ng sariling bakuna ang pribadong sektor at local government units.

“I saw on the news that by the end of this month we will have approximately 21 million vaccines in inventory in the country. So meaning the whole country will be rolling out activities,” ayon kay Gatchalian.

“More so we need electricity to be present and continuous because of this vaccine rollout,” giit pa niya. (ESTONG REYES)

Read More

BAKUNADONG DAVSUR GOV, PATAY SA COVID-19

0

PUMANAW sa edad na 77 ang gobernador ng lalawigan ng Davao del Sur matapos dapuan ng kumplikasiyon sa COVID-19 habang ginagamot sa isang ospital sa Digos City, Davao del Sur kahapon.

Mismong kanyang pamilya ang nagkumpirma sa pagkasawi ni Davao del Sur Governor Douglas Cagas habang nakaratay sa Medical Center of Digos Cooperative alas-5:30 ng madaling araw.

Matatandaan na nagpabakuna pa ang opisyal para sa COVID-19 nitong nakaraang linggo, pero makalipas ang ilang araw ay humina ang kalusugan at dinala sa nasabing ospital noong Huwebes at ilang araw na nakipagbuno kay kamatayan hanggang sa sumakabilang buhay kahapon.

Nag-umpisa ang karera ni Cagas sa pulitika bilang assemblyman noong dekada 80, hanggang naging congressman mula 1998 hanggang 2007.

Nagsilbi rin ito bilang gobernador ng probinsiya mula 2007 hanggang 2013, 2016-2019 at 2019 hanggang sa kasalukuyan.

Nagluluksa ngayon ang buong probinsiya ng Davao del Sur at inilagay na rin sa half mast ang watawat ng Pilipinas sa Kapitolyo ng lalawigan. (BONG PAULO)

Read More

KAGAWAD NG MEDIA BABAKUNAHAN NA RIN

0

INIREKOMENDA ni Bulacan Governor Daniel Fernando kay Provincial Task Force (PTF) on COVID-19 Response Cluster Head Dr. Hjordis Marushka Celis ang listahan ng lahat ng mga lehitimong Bulacan-based media practitioner bilang essential sector na nakapaloob sa A4 frontline personnel upang mabakunahan laban sa COVID-19.

Nabatid na nakipag-ugnayan ang gobernador kay Bulacan Press Club Inc. (BPCI) former president Erick Silverio, correspondent ng The Manila Times kung saan nais nito na maisama na sa priority list (A4 category) ang mga mamamahayag para bakunahan.

Ito ay matapos hilingin ng BPCI sa ilalim ng kasalukuyang pamunuan sa pangunguna ni Jenny Raymundo na makasama na ang mga miyembro nito sa susunod na schedule ng bakuna kontra COVID-19.

Ayon naman kay Maricel Cruz, hepe ng Provincial Public Affairs Office (PPAO), iniutos din ni Fernando na bukod sa mga kasapi ng BPCI ay isama ang iba pang mga media club sa nasabing probinsiya sa isasagawang vaccination.

Pinasalamatan naman ni Silverio ang naturang inisyatibo ni Fernando sa pagbibigay proteksyon sa mga working media kung saan Bulacan pa lamang ang kauna-unahang probinsiya sa Central Luzon na magsasagawa ng media inoculation program. (ELOISA SILVERIO)

Read More

MANAGER NG SECURITY AGENCY, ITINUMBA

0

NORTH COTABATO – Isa na namang kawani ng Brigada Group of Companies ang pinaslang sa Purok 5, Intake, Barangay Mabuhay, General Santos City.

Kinilala ang biktimang si Demar Santos, 37, manager ng Global Dynamic Security Agency sa ilalim ng Brigada Group, at residente ng Purok Kaunlaran, Barangay San Isidro ng lungsod.

Ayon sa ulat ng pulisya, nakasakay sa isang Strada pick-up ang biktima habang binabaybay ang nasabing lugar nang pagbabarilin ng hindi kilalang mga suspek, alas-6:00 ng gabi noong Miyerkoles.

Dead on the spot ang biktima dahil sa tama ng mga bala sa iba’t ibang bahagi ng katawan.

Matatandaang pinagbabaril din at napatay ang chief of staff ng Brigada Group na si Yentez Quintoy noong Hunyo 4, 2021 at nahuli ang suspek na si Ralph Sorabia, 27, residente ng Waling-Waling St., Sagun Vincenzo, Zamboanga del Norte matapos na ituro ng isang testigo makaraang maglabas ng P1 milyong reward ang kumpanya sa makapagtuturo sa responsable sa krimen. (BONG PAULO)

Read More

PAHINANTE NA-SANDWICH SA DUMP TRUCK

0

LAGUNA – Patay ang isang pahinante matapos na maipit sa pagitan ng dalawang dump truck sa national highway sa Barangay Imok sa bayan ng Calauan sa lalawigang ito, noong Miyerkoles ng tanghali.

Kinilala ang biktimang si Romy Lazarito, 42-anyos, residente ng Noveleta, Cavite.

Batay sa report ng Calauan Police, ang biktima ay naipit sa dalawang Sino dump truck na parehong pag-aari ng kanilang trucking services.

Nasiraan umano ang isa sa dump truck at tumawag ang driver sa ikalawang dump truck na sinasakyan ng namatay na pahinate, para magpatulong sa pagpapalit ng goma.

Habang kinukuha ng biktima ang reserbang goma sa likod ng nasiraang truck, biglang umabante ang kanilang dump truck na nakahinto sa likuran ng una.

Bunsod nito, naipit ang mga binti ng biktima sa mga bakal sa pagitan ng dalawang truck na nagdulot ng grabeng sugat.

Nasa kustodiya na ng pulisya ang driver ng umabanteng truck at sasampahan ng kaso. (NILOU DEL CARMEN)

Read More

CHICKEN DEALER TINARAKAN SA LEEG, PATAY

0

CAVITE – Patay ang isang lalaki makaraang saksakin ng kutsilyo sa leeg ng kapwa chicken dealer habang nagpapahinga sa duyan sa bayan ng Magallanes sa lalawigang ito, noong Miyerkoles ng hapon.

Kinilala ang biktimang si Rico Rosette, nasa hustong gulang, dealer ng Top 7 Chicken habang ang suspek ay si Daniel Cecista, kapwa nito dealer sa nasabi ring kumpanya.

Ayon sa ulat ni P/Corporal Mar Jay Bencito ng Magallanes Police, dakong alas-2:30 ng hapon habang nagpapahinga sa duyan ang biktima sa isang tindahan sa Sitio Sumandal, Brgy. Kabulusan, Magallanes nang lapitan ng suspek at tinarakan ng kutsilyo sa leeg.

Tumakas ang suspek sakay ng isang Isuzu Elf na may plakang NAG-9487. (SIGFRED ADSUARA)

Read More

Sa halos dalawang buwan LAGUNA COVID CASES ‘DI BUMABABA

0

LAGUNA – Halos dalawang buwan nang hindi bumababa ang bilang ng active cases ng COVID-19 sa lalawigan, ayon kay Provincial Health Officer Dr. Rene Bagamasbad.

Ayon kay Dr. Bagamasbad, naglalaro sa 200 hanggang 300 kada araw ang bilang ng mga bagong kumpirmadong kaso na naitatala sa probinsya.

Mahigit 4,000 ang active cases, 80 porsyento rito ay galing sa mga lungsod ng San Pedro, Sta. Rosa, Biñan, Cabuyao, Calamba at San Pablo.

Ayon kay Dr. Bagamasbad, ang lungsod ng Calamba ang may pinakamarami na may 1,700 kaso. Sa kanilang obserbasyon, ito ay dahil sa pagluluwag ng quarantine restrictions.

Isa ring nakikitang dahilan ay ang paggalaw ng authorized persons outside residence o APORs na maaring nakapag-uuwi ng sakit mula sa kanilang trabaho

Sa huling datos na inilabas ng Department of Health 4-A noong Martes, naitala ang 16,618 active cases, sa bilang na ito ay 821 ang bagong kaso. Umabot na sa 151,554 ang nakarekober at 5,008 ang mga namatay sa sakit.

Nangunguna ang probinsya ng Cavite na may 4,940 active cases; Laguna na may 4,536 active cases; Quezon, 2,300; Batangas, 2,296; Rizal, 2,291, at Lucena City, 255. (CYRILL QUILO)

Read More