NAGBABALA ang Department of Education sa sinoman magpo-post ng mga kasinungalingan kaugnay sa kasalukuyang blended learning ng mga estudyante sa panahon ng pandemya.

“The Department of Education has been receiving reports of false information and malicious, staged photos on the conduct of School Year 2020-2021 being proliferated on social media,” sinabi ng DepEd sa pahayag.

Bagaman hindi tinukoy ang pinagmumulan, sinabi ng Deped na dapat beripikahin ang mga kumakalat na balita tungkol sa nangyayari sa blended learning at huwag maniwala sa mga tsismis.

“DepEd is keen to investigate these activities and exhaust legal remedies to ensure that only accurate information will reach our stakeholders. The public is also advised to verify such information or photos with DepEd before sharing, for the best interest of everyone who is still adjusting to the transition to distance learning,” sinabi nito.

Pinayuhan naman ng DepEd ang mga may makikita sa social media na bukod sa pagberipika ay maaring i-report sa kanilang tanggapan sa social media o itawag sa kanila.

Noong isang linggo ay muling inulan ng batikos ang DepEd dahil sa maling solution sa isang Math problem na ipinakita sa DepEd TV na inere sa IBC 13 noong October 6.

Batay sa math equation, para makuha ang value ng ‘x,’ kailangang i-divide ang mga ito sa 0 (zero), pero ang tamang sagot ay kailangang i-divide ito sa 2. (CATHERINE CUETO)