PINAYAGAN ng Inter-Agency Task Force on Emerging Infectious Diseases (IATF-EID) ang ilang lugar na magdaos ng in-person technical skills training para sa mga manggagawa na mangingibang-bansa.

Pinayagan ng IATF-EID ang face-to-face trainings ng technical vocational institutions at TESDA Technology Institutions para sa mga overseas Filipino worker na nasa lugar na nasa ilalim ng general community quarantine o mas mababa pa.

Tinukoy ni Presidential Spokesperson Harry Roque, ang resolution 78 ng inter-agency task force.

“This forms part of our assistance to workers who already have employment opportunities. These include trainings and assessments for domestic work, caregiver, housekeeping qualifications and ship’s catering,” ang nakasaad sa kalatas ni Sec. Roque.

Samantala, ang mga establisimyento sa specific areas sa ilalim ng GCQ o modified GCQ, gaya ng Batangas at iba pang identified ng tourism department ay maaaring tumanggap ng recreational divers bilang bisita na manggagaling sa mga lugar sa ilalim ng GCQ o mas mababa pa.

Magpapalabas naman ang DoT ng kaukulang alituntunin sa pakikipag-ugnayan sa interior department, pulis at local governments.

Inatasan din ng IATF ang sub-technical working groups to “convene a meeting to formulate unified recommendations concerning guidelines applicable to areas that may eventually placed under the New Normal.”

Ang meeting ay kabibilangan ng eksperto mula sa health department at medical professionals. (CHRISTIAN DALE)