SA halip na ang San Francisco del Monte Avenue sa Quezon City, mas makabubuting ang Roosevelt Avenue ang palitan ng pangalan at gawing Fernando Poe Jr. Avenue.
Ito ang naging mungkahi ni Senate President Vicente ‘Tito’ Sotto III kasunod ng pag-alma ng Simbahang Katolika sa panukala ni Senador Lito Lapid na ipangalan kay FPJ ang Del Monte Avenue.
“Water under the bridge. I prefer the renaming of Roosevelt Ave. It’s where FPJ grew up because it was their ancestral home,” paliwanag ni Sotto.
Bukod dito, mas malaking kalsada anya ang Roosevelt kumpara sa del Monte Ave.
Kinumpirma naman ni Sotto na nakausap na niya si Lapid at maging ang chairman ng Senate Committee on Public Works na si Senador Manny Pacquiao.
“I already did. I will propose in plenary during the period of amendments,” dagdag ni Sotto.
“I told Sen. Manny Pacquiao because he is the Chairman of the Comm on Public works and therefore will sponsor the bill. He agreed with my amendment,” diin pa nito. (DANG SAMSON GARCIA)
174 
