KINUMPIRMA ng Malakanyang ang opisyal na pagkakahirang ni Pangulong Rodrigo Roa Duterte kay Karl Kendrick Chua bilang Kalihim ng National Economic and Development Authority (NEDA).

Kilala si Secretary Chua sa Duterte Administration na may propesyonalismo, kakayahan at integridad bilang Undersecretary ng Department of Finance at Acting Secretary ng NEDA.

“With the aforesaid traits we are confident that Sec. Chua would continuously and consistently perform well in his present but crucial task of jumpstarting our economic recovery amid the COVID-19 pandemic,” ayon kay Presidential spokesperson Harry Roque.

“Congratulations to Sec. Chua and we wish him all the best,” ang pagbati ni Sec.Roque.

Matatandaang Abril ng nakaraang taon nang italaga ni Pangulong Duterte si Chua bilang acting Socioeconomic Planning secretary.

Kinumpirma ito ni Executive Secretary Salvador Medialdea.

Ito ay matapos magbitiw sa pwesto si Socioeconomic Planning secretary Ernesto Pernia.

Sa kanyang pagbibitiw binanggit ni Pernia ang personal reasons at ang hindi aniya pagkakahalintulad ng development philosophy niya sa ilang kapwa niya cabinet members. (CHRISTIAN DALE)