PAMPANGA – Tinatayang P1.3 bilyong halaga ng mga pekeng sigarilyo at raw materials sa paggawa nito ang nadiskubre ng mga awtoridad sa lalawigang ito, noong Huwebes.
Ayon kay P/BGen. Valeriano De Leon, regional director ng Police Regional Office 3 (PRO3), sa bisa ng mission order na ipinalabas ng Bureau of Internal Revenue (BIR), nagsagawa ng pagsalakay ang mga operatiba ng Pampanga Police Provincial Office (PPO), Criminal Investigation Detection Group (CIDG) ng Pampanga Provincial Field Unit, Bureau of Internal Revenue (BIR) R4 Regional Investigation Division, at Mabalacat City Police Station sa isang bodega sa Warehouse No. SFB 9706 sa DOST Compound, Barangay Paralayunan, Mabalacat City, Pampanga.
Ang nasabing operasyon ay nagresulta sa pagkakadiskubre sa smuggled and counterfeit cigarettes kabilang ang raw materials na gamit sa pagmamanupaktura ng sigarilyo at lima katao ang arestado.
Ang mga suspek ay kinilalang sina Danny Martizano, 48; Richie Alminion, 34; Sammy Molina, 44; Ryan Tilanduca, 24, at Efren Tacomto, 46-anyos.
Kabilang sa mga kinumpiska ang isang green Isuzu wing van truck (IO 3955) na naglalaman ng mga sako ng pinatuyong tobacco; puting Hyundai H100 Utility, 22 boxes at 26 reams Yunyan cigarettes; 14 boxes ng Shuangxi cigarettes; 4 Chunghua cigarettes; thirteen boxes, nineteen reams at nine packs ng Gold Line cigarettes; 72 reams ng Nanjing cigarettes; eight reams ng Jinsiye Cigarettes; nineteen reams at three packs of Black Pearl cigarettes; four boxes of Marlboro (red) at thirty five reams ng Titanium cigarettes.
Ayon kay De Leon, ang initial estimated worth ng recovered smuggled and counterfeit cigarettes kasama ang raw materials ay halos nasa P300,000,000.
Napag-alaman na ang arestadong mga suspek ay may kaugnayan sa Wendel criminal group na siyang nagkakalat ng counterfeit and smuggled cigarettes sa buong Gitnang Luzon.
Kaugnay nito, sa isinagawang follow-up operation sa Blk. 22, Lot 9, Global Aseana Park 1, San Simon, Pampanga ay nadiskubre at narekober din ang 147,000 piraso ng invalid BIR stamps (green); 1,470,000 pieces ng invalid BIR stamps (light blue); twelve cigarette packer machines; two cigarette maker machines; ten boxes back film and labels; 100 rolls cigarette paper; 35 rolls tipping paper; 46 rolls cigarette foil; 48,000 pcs. cigarette filter; four boxes cigarette paper; 36 boxes soft label (jackpot), at voluminous brands ng sigarilyo at raw materials na tinatayang nasa mahigit P1 bilyon ang halaga. (ELOISA SILVERIO)
348 
