IPATATAWAG ni Anakalusugan partylist Rep. Mike Defensor ang mga executive ng Facebook (FB) sa Pilipinas para linawin ang censorship guideline na ipinatutupad ng mga ito.
Sa ilalim ng House Resolution (HR) 2112 na inakda ni Defensor, nakasaad na magiging battleground ng mga politiko ang social media lalo na ang Facebook sa paparating na halalan dahil limitado ang pangangampanya dulot ng pandemya.
Dahil dito, kailangan aniyang linawin ng FB ang mga polisiya sa pag-censor sa mga post ng FB user’s dahil posibleng nasasagasaan ng mga ito ang freedom of expression.
“We expect Facebook to be a leading political battleground in the forthcoming presidential elections – to serve as a virtual platform for campaigning – so we want to ensure that the right of every Filipino to freedom of opinion and expression is adequately protected against arbitrary censorship,” ani Defensor.
“We want the reassurance of Facebook executives that they will protect the right of every Filipino to seek, obtain and share information and ideas of all kinds online, as long as they are not violating any laws,” ani Defensor.
Nais din umanong makatiyak ng mambabatas na maging patas ang FB at iba pang social media companies sa paparating na halalan kaya kailangang humarap ang mga executive nito sa ipatatawag na imbestigasyon sa Kongreso.
Si Defensor ay nakatikim ng censorship ng FB nang i-block ang dalawang account nito matapos ipost ang positibong epekto ng Ivermectin sa iba’t ibang bansa. (BERNARD TAGUINOD)
183 
