KINUKONSIDERA na ni Secretary Carlito Galvez Jr., vaccine czar at chief implementer of the National Task Force (NTF) Against the Coronavirus Disease (COVID-19), ang pag-alis sa “priorities” sa vaccination program upang bigyang daan ang pagbabakuna sa lahat ng mga indibidwal na handa at payag nang magpabakuna.
Ani Galvez, nakausap na ng NTF ang pribadong sektor at isa sa kanilang rekomendasyon ay ang “Vax to the Max” kung saan ia-accommodate ng gobyerno ang mga gustong magpabakuna sa halip na sundin ang priority list.
“Their, private sector first proposal is called Vax to the Max. This means that we have to vaccinate all the willings. We will do away with the sequential strategy and we will widen the coverage so that those who want to get the vaccine can do so,” ang bahagi ng ulat ni Galvez kay Pangulong Rodrigo Roa Duterte sa Talk to the People ng huli, Martes ng gabi.
Sa kasalukuyan, kabilang sa mga prayoridad ang healthcare workers (A1), senior citizens (A2), persons with comorbidities (A3), economic frontliners (A4), at indigent population (A5), kaugnay ng rekomendasyon ng World Health Organization (WHO).
“But with the Vax to Max strategy, it is seen to significantly raise the daily vaccine throughput to 1.5 million doses from the current average of 400,000 to 500,000 administered jabs daily,” ani Galvez. (CHRISTIAN DALE)
199 
