TINATAYANG nasa 19 milyong indibidwal ang eligible para sa booster shots o karagdagang doses ng COVID-19 vaccines matapos ibaba sa 3 buwan ang booster dose interval.

Nauna nang sinabi ng Department of Health (DoH) na ang booster shots ay maaaring ibigay tatlong buwan matapos ang primary dose series para sa ilang vaccine brands at “at least two months” matapos ang primary vaccination ng Janssen vaccine.

“With the shortened time period or the interval, we expect a lot will be due already for booster doses,” ayon kay Dr. Kezia Lorraine Rosario ng National Vaccination Operations Center sa Laging Handa public briefing.

“So estimate as of now based on our data, is around 19 million individuals are already due for booster/additional doses,” dagdag na pahayag nito.
Tiniyak ni Rosario na may sapat na bakuna na available.

“We calculated it already with the available vaccines we have. We have around 192 million doses of vaccines. These are enough for us to drive the vaccination of booster doses,” aniya pa rin.
Nagsimulang magturok ng booster shots ang gobyerno sa healthcare workers noong Nobyembre 17 habang ang seniors at immunocompromised individuals ay nagsimula namang makatanggap ng kanilang boosters shots noong Nobyembre 22.

Nagsimula namang magbigay ang gobyerno ng booster shots sa lahat ng fully vaccinated adults noong Disyembre 3. (CHRISTIAN DALE)