TININTAHAN ni Pangulong Rodrigo Roa Duterte ang batas na magpaparusa sa mga indibidwal na mapatutunayang “guilty” sa investment fraud, na kapapalooban ng pagkabilanggo o P10 milyong multa o pareho.
Ang bagong kaparusahan ay nakasaad sa ilalim ng Republic Act No. 11765, o Financial Products and Services Consumer Protection Act, tumutukoy sa investment fraud bilang anomang uri ng mapanlinlang na “solicitation of investments” mula sa publiko.
Sa ilalim ng batas, “investment fraud covers Ponzi schemes and other schemes involving the promise or offer of profits or returns that are sourced from the investments or contributions made by the investors themselves.”
Sakop din nito ang boiler room operations at ang pag-aalok at pagbebenta ng investment schemes sa publiko ng walang lisensiya o permit mula sa Securities and Exchange Commission (SEC).
Ang financial product o service, sa kabilang dako ay tumutukoy sa “products or services which developed or marketed by a financial service provider which may include — but are not limited to — savings, deposits, credit, insurance, pre-need and health maintenance organization products, securities, investments, payments, remittances and other similar products and services.”
Kabilang din dito ang digital financial products o services na may kinalaman sa malawak na sakop ng financial services na may “accessed” at dineliver sa pamamagitan ng digital channels.
Sa ilalim ng batas na nilagdaan noong Mayo 6, ang mapatutunayang guilty sa investment fraud ay makukulong ng isa hanggang limang taon o magmumulta ng P50,000 hanggang P2 milyon o pareho.
Pareho rin ang parusa sa korporasyon o juridical entity, directors, officers, employees, o iba pang opisyal na direktang responsable sa investment fraud.
Ang financial regulators ay inatasan naman na magbigay ng guidelines o panuntunan para sa pagpapatupad ng bagong batas sa loob ng isang taon mula sa naging epektibo ito. (CHRISTIAN DALE)
227 
