HINIGITAN pa ng Filipino para-athletes ang expectations ng Philippine Olympic Committee (POC) sa 11th Asean Para Games sa Sukakarta, Indonesia.
Huling Para Games ay noong 2017 sa Kuala Lumpur at dahil sa kakulangan ng preparasyon bunsod ng COVID-19 pandemic, hindi inaasahan ng POC na magpapakitang gilas ng husto ang Pinoy different-abled athletes.
Nasungkit ni Sander Severino ang apat na gintong medalya sa chess, pinakamarami sa 144-member PH Team, ngayon ay may total 21-gold medals, o nahigitan na ang 20 napanalunan sa KL.
Hindi rin nagpahuli ang mga swimmer na sina Angel Otom at Ariel Alegarbes na kapwa may tig-tatlong ginto, habang ang Para Olympian na si Ernie Gawilan ay may dalawang ginto.
Ang Team Philippines ay may 20 silver at 33 bronze medals din, mas marami sa 20 silvers at 29 bronzes noong 2017 edition.
“The para athletes performed so well despite the fact that for more than two years during the pandemic, they didn’t see action in any major international competition. They kept their focus and determination while making themselves physically ready by training well in a bubble environment,” pahayag ng POC.
Inokupahan ng Pilipinas ang 5th overall sa likod ng host at nangungunang Indonesia (115-83-65 gold-silver-bronze), Thailand (61-75-49), Vietnam (53-44-33) at Malaysia (22-13-5). (ANN ENCARNACION)
160
