HINDI pa rin isasabit ni Nonito Donaire Jr. ang kanyang gloves.
Halos dalawang buwan matapos ang second round knockout sa kamay ni Japanese ’Monster’ Naoya Inoue sa kanilang world bantamweight unification rematch, nagdesisyon ang tinatawag na “The Filipino Flash” na ipagpatuloy ang kanyang boxing career.
Katunayan, bababa ng timbang si Donaire sa super-flyweight division upang hamunin si WBO 115-lb champion Kazuto Ioka at legend Roman “Chocolatito” Gonzalez.
Nakipag-usap na si Donaire sa kanyang promoter Probellum hinggil sa intention niyang makasagupa sina Gonzales at Ioka.
Si Ioka ang tumalo kay Donnie Nietes nitong nakaraang buwan via unanimous decision.
“It’s a really good fight with Chocolatito, and people are saying it would be legend versus legend,” pahayag ni Donaire sa official statement mula Probellum.
Dagdag niya: “It’s a big fight. But I do like the Ioka fight as well because I want to get that title and become a five-division champion, and then move back to 118 and go for the undisputed crown once everything else is open and I get another opportunity for it.”
Ayon pa kay Donaire, mag-40 anyos sa Nobyembre, bago pa man ang laban niya kay Inoue, napag-usapan na umano nila ni Richard Schaefer, president ng Probellum Promotions, ang desisyong bumaba sa 115-lb division. (VT ROMANO)
140
