PINANGUNAHAN ni Manila Police District Director, Police Brigadier General Andre Perez Dizon ang inagurasyon ng bagong Police Community Precinct sa Baseco Compound, Port Area, Manila.

Binasbasan ni Fr. Asis Bahaw ng Baseco Sto. Niño Church ang itinayong Riverside PCP sakop ng MPD- Station 13 sa Blk. 15 Brgy. 649 Baseco, bandang 9:00 ng umaga.

Dumalo sa okasyon sina PCol. Raul M Tacaca, Deputy Director for Administration, PCol. Arnold Thomas Ibay, chief Directorial Staff at si PCol. Igmedio Bernaldez.

Naroon din sina PLt. Col. Rodel Borbe, Station Commander ng MPD- Station 13 at Chairperson Diana Espinosa.

Matapos ang pagbabasbas sa bagong PCP, lumagda sa memorandum of Agreement sina Chairwoman Espinosa at Borbe.

Sinundan ito ng pag-abot ng susi sa Manila Action Team sa pangunguna nina Mr. Edwin Fan at Dra Hilda Ong at ilang kasapi ng MCAT. (RENE CRISOSTOMO)