CAVITE – Swak sa kulungan ang limang hinihinalang tulak ng ilegal na droga na nasa listahan ng Street Value Individuals (SLIs) matapos maaresto sa buy-bust operation noong Lunes ng gabi.

Kinilala ang mga naaresto na si alyas “Tol”, “Louie”, “RJ”, “Elmer” at “Will”, pawang nasa hustong edad at mga residente ng Brgy. Molino 2, Bacoor City, Cavite.

Ayon sa ulat ni Police Corporal Jerome Asid ng Bacoor City Police Station, dakong alas-11:40 ng gabi nang magsagawa ng buy-bust operation ang mga operatiba ng Station Drug Enforcement Unit (SDEU) ng Bacoor City Police Station sa Brgy. Molino 2, Bacoor City, Cavite na nagresulta sa pagkakaaresto sa limang hinihinalang drug pusher na pawang nasa listahan ng SLIs.

Nakumpiska sa mga suspek ang 5 gramo ng hinihinalang shabu na may street value na P34,500, buy-bust money, at isang cellular phone.

(SIGFRED ADSUARA)