INALIS sa puwesto si Pasay City Police Chief Police Colonel Joselito De Sesto, epektibo noong Setyembre 29, 2026, bilang bahagi ng command responsibility at upang bigyang-daan ang imbestigasyon sa isang operasyon ng Drug Enforcement Unit ng Pasay City Police.
Kinumpirma ito ni National Capital Region Police Office (NCRPO) spokesperson Police Lieutenant Colonel Hazel Asilo.
Pansamantalang itinalaga si Police Colonel Robert Baesa bilang officer-in-charge ng Pasay City Police Station. Si Baesa ay nagsisilbi ring deputy district director for operations ng Southern Police District.
Tumanggi munang magbigay ng karagdagang detalye ang NCRPO habang nagpapatuloy ang imbestigasyon.
(TOTO NABAJA)
77 
