APEKTADO ng northeast monsoon ang northern Luzon habang maaapektuhan ng tropical depression ang Caraga at Davao region, ayon sa weather bureau, Linggo ng umaga.
Magiging maulap ang Caraga at Davao regions na may kalat – kalat na pag-ulan.
Binalaan ng Philippine Atmospheric, Geophysical and Astronomical Services Administration (Pagasa) ang mga residente ng apektadong lugar sa posibleng flash floods at mga pag-ulan.
Sinabi ng Pagasa na ang bagyo ay namataan sa 1,175 km East of Mindanao at patuloy na nasa labas ng bansa.
May lakas ito na 45 kilometers per hour (kph) malapit sa gitna at pagbugso na 60 kph.
Ang Batanes, Cagayan at Isabela ay maulap na may pag-ulan dahil sa northeast monsoon o hanging amihan.
Ang Metro Manila at iba pang lugar sa bansa ay magiging maulap na may pag-ulan dahil sa localized thunderstorms.
90 
